2015 台北天燈宜蘭溫泉5天

寫完北海道遊記個多月，下個旅程又未開始。

咁就寫下行程篇，叫做更新下個blog啦。

前言: 

我家大少姐一直都嚷著要去台灣睇天燈節，

(其實喺自己都想睇)。

之後睇完網友Albert個天燈節遊記 (BLOG)，

更加係非去不可。

原本今年係計劃4月復活節去首爾釜山睇櫻花，

但又無端端手痕買咗4月尾東京機票。

咁冇理由月頭去完月尾又飛，

唯有放棄韓國plan。

又因為想年尾去多轉日本，

原本年假唔多 (係我家司機老爺)，

以為台北之旅冇望。

但後來計計埋埋又湊到幾日假，

剛好香港航空出promote，連稅9百有找，

咁就落實呢個台北之旅。

行程:

台北天燈節有3場，頭兩場係2月進行，

但係農曆年初不能外遊，

只好選最後一場年十五在十分廣場的天燈節。

天燈只睇一日，仲有4天行程，

台北去過兩次，台北市內想去嘅地方唔多，

主要去夜市食下野，於是加入宜蘭。

我哋今次係4人行，

去宜蘭自駕會方便些，所以會租車。

跟著又諗反正要租車，

不如租多日去埋金瓜石同基隆，

到時如果夠時間就去埋野柳。

另外陽明山3月應該仲有吉野櫻，

安排第一日去酒店放低行李就去陽明山。

對上一次去台北時，貓空停駛，

今次諗住最後一日去貓空。

大概行程表:

Day 1 - 台北～陽明山～北投(如夠時間)～夜市

Day 2 - 猴硐～平溪～十分～夜市
Day 3 - 取車～宜蘭～礁溪～羅東夜市
Day 4 - 九份～金瓜石～野柳～基隆廟口夜市
Day 5 - 還車～貓空～機場

自駕路線: