2015年2月12日星期四

2015 台北天燈宜蘭溫泉5天

寫完北海道遊記個多月,下個旅程又未開始。
咁就寫下行程篇,叫做更新下個blog啦。

前言: 
我家大少姐一直都嚷著要去台灣睇天燈節,
(其實喺自己都想睇)。
之後睇完網友Albert個天燈節遊記 (BLOG),
更加係非去不可。
原本今年係計劃4月復活節去首爾釜山睇櫻花,
但又無端端手痕買咗4月尾東京機票。
咁冇理由月頭去完月尾又飛,
唯有放棄韓國plan。
又因為想年尾去多轉日本,
原本年假唔多 (係我家司機老爺),
以為台北之旅冇望。
但後來計計埋埋又湊到幾日假,
剛好香港航空出promote,連稅9百有找,
咁就落實呢個台北之旅。