熱氣球開始昇起
初時以為是數十個熱氣球同時昇空，原來是一個接一個的。每個熱氣球昇起時都會有介紹，在場的日本人會跟氣球揮手，我們也入鄉隨俗，跟昇起的熱氣球揮手。
第一次近距離看到熱氣球
昇高了的熱氣球好像跳降傘
今早雲層好厚，還幸沒有下雨
，這邊廂有個太空人高高掛
看到草坡上的字嗎？ “SAGA BALLOON”
熱氣球越飛越遠了，我們也不等它們降落就離開了
回頭走去火車站
今早來時天還未光，離開時才補影車站
在車站也可看到熱氣球。等了一會便有火車返佐賀
由於很多人離開，火車非常擠迫。我們企了入車廂中，座位上大部份都是高中生。火車的座位是兩個位一行的，而大部份學生都坐一個位及把書包放在旁邊的座位，即是一人坐兩個位。我地眼見五行有四行都是這樣。當時真有些不滿，整個車廂都企滿人，他們竟然視而不見，沒有一個學生肯自動自覺移開書包。因為真是看不過眼，便直接坐到身旁的位，隔離的學生眼見有人要坐下也不願讓出座位，最後不情不願下才拿走書包，之後還一直眼啤啤。之前在JR或巴士上都經常見到日本年輕人不讓座給有需要的人，心諗不讓座都算，但在擠迫的車廂還要霸位就真的太過份了。
~~ Index ~~
~~ Index ~~
學生、年青人霸位，經常見到，尤其鄉下啲既地方。
回覆刪除我會示意佢地拎走書包，但佢地通常唔理，然後我主動拎起佢地個書包，塞返比佢，然後坐佢隔離 ... 這種情況試過三次，有兩次個學生走去第二卡企，不過這兩次，學生走了，也冇人坐晌我隔離個空位，可能其他乘客看了整個過程，怕了我 :-)
可能喺佢地眼中，我地先唔啱又冇禮貌-_-#
刪除會唔會當咗你地係强國人架 !
刪除應該唔關事，其實成車都係日本人多。好似Albert咁講，喺鄉下地區係經常見到後生男女將袋放喺座位上，我喺東北都見唔少。Albert就見過有人放把遮喺位度，霸足兩個位。可能鄉下地方人少搭車，架車唔滿，冇人會話佢地，所以就習以為常，掉返轉你要佢讓位反而覺得你地唔啱-_-!!
刪除書包霸位喺佢地黎講已經太平常, 正如我地喺巴士小巴見到好多大大個細路唔買飛坐人一個位, 好似小巴明明計人頭, 結果隔離位嗰個只係坐得半邊"蘿"
回覆刪除嗰年去佐賀都見到呢啲情形, http://huinerissa.blogspot.hk/2013/12/16.html 我同佢地講 excuse me 叫佢地拎開就坐落去.
我係關西機場出市區在列車上遇到唔讓座個案, 反而我地班香港人就個個企起身讓位比公公婆婆 =_=
刪除唔讓座已經唔啱，見到成車人都仲要霸位就更離譜。現代的日本人連基本修養都差晒 @@
刪除關於日本人讓座依個問題，我曾經响網上睇過一些台灣報導，搵到兩篇可以睇睇:
回覆刪除http://www.appledaily.com.tw/realtimenews/article/new/20150929/701286/
http://www.ntdtv.com/xtr/b5/2015/07/29/a1213822.html
仲有由堺雅人演出關於讓座的一條片，都幾好笑
https://www.youtube.com/watch?v=dYqW7UdFDcY
我讀日文時，老師都有講過日本人嘅性格有時都幾特別，觀念同文化會同其他國家好唔同，或者日本電車/巴士已經設有優先座俾D有需要嘅人，我見過有D就算無人坐，D後生都情願企而唔坐，反而我試過樣衰衰走去坐 (因為當時實在太攰)
其實我哋去到時係咪應該要去適應人哋嘅習慣呢..
咁我哋香港人始終覺得霸位依D行為係唔啱嘅...
堺雅人果套劇我都睇過，佢個觀點係好特別。正如我喺貼中都講過，唔讓位都算，但霸位就太過份。其實我地都係搭兩個站，坐唔坐都唔緊要，只係睇唔過眼佢地霸位依D行為...
刪除當然霸位依D行為响我哋香港人眼中一定係非常過份，但或者响日本人眼中覺得無問題，亦可能已經習慣咗，正如報導提及過日本人怕給人「添麻煩」，所以唔會主動提出要求，覺得叫人拿起佔用座位上的東西反而是不禮貌行為，所以嗰位學生見你夾硬坐落去迫佢要攞起個書包咪一直眼啤啤囉，因為日本人正常係唔會咁做，你咁做佢咪覺得你無禮貌囉..
刪除不同國家，傳統、思想、文化、習慣都有會差異
可能喺佢地眼中，我們都係怪人=.=
刪除咦...我留咗兩次言，發佈時仲見，轉頭唔見咗，係咪跌咗落垃圾留言裏面呢?
回覆刪除真係跌咗落垃圾留言 =.=
刪除手語翻譯都有 , 真係夠晒細心 , 讚呀 !!
回覆刪除Wow ~ 火箭升空 , 好壯觀呀 , 俾著我肯定睇到唔捨得走 .
所謂各處鄉村各處例 , 早幾日先同Mandy姐講起 ,
唔好當全日本既人都係好人 , 去得多日本就知 . =_= !!
P.S. : Honda 氣球創意十足 , 贏晒 .
話晒都係國際競技，有埋英語廣播架。近幾年都見唔少日本人冇禮貌或唔守規矩野=.=
刪除之前睇其他blog見過有啲公仔或動物形熱氣球，我今次就睇唔到><
係喎, 點解會無咗動物形熱氣球架!!
刪除唔怪得好似欠缺了什麼似的
刪除Mandy，我周圍望過都唔見，唔知係唔係下午先有，但我去佐賀兩日，下午都取消咗-_-#
刪除