今次租車係經car.kyusyutour.net，原先喺Orix揀咗Honda Fit 或同級【SA】，8天共31，600円，但ETC Card要睇營業店當日在庫狀況。後來喺討論區見到Budget有ETC Card借，咁就試下訂Budget同時要求借ETC Card，Budget回覆會預留ETC Card，咁就當然即刻取消Orix。
我地訂咗8點喺Budget博多駅前店取車，從酒店行過去只需3分鐘，去到剛剛開門。我地排第二，這間店只有一名職員識講英文，他還說途中如有任何意外都只能至電這間分店找他。辦手續跟以往租車時都差不多，唯一不同的是從頭到尾他都沒有要求我們交出國際車牌及護照，唔通真係講個信字就得。
驗車時，有職員幫忙把行李搬上車，這又是第一次，在台灣及日本租了幾次車都未試過。順帶一提，部車行李箱唔大，我地放1大1細行李剛剛好，如果放兩件大行李就有啲炆。
Honda Fit 都幾靚仔吖，不過點解次次都係銀灰色，轉下第二隻色得唔得呀!!!
驗車完畢，影低行車里數先，49514km又係行咗好耐下喎
間店好忙碌，冇位俾我地同架車裝身，咁就駛出去搵個路邊停低架車先。先裝好Car Cam，跟住裝Car Mount，哩個好重要，因為有些路個GPS完全失靈，全靠個Google Map帶路。
Set埋個GPS，自駕遊正式開始
最後一日福岡空港還車，里數係50566km，8天共行駛了1052km，平均一日都係131.5km，司機話好輕鬆一啲都唔辛苦。九州泊車都幾貴，幾乎每個地方都要俾泊車費，一共用了5900円泊車。入油只入了兩次共8431円，Budget要求我地還車前要在空港店前面的油站入油，所以第二次入油就是還車前入的。
還車時，職員驗車又比之前的嚴謹了些，之前的都是上車抄低記錄，跟住簽個名就走得。今次職員就仔細些，還很認真的用手摸車裙腳。驗完車，入辦公室簽名及找ETC數，我地只係第8日由別府返博多有上高速公路，所以只用了4920公路費。
唔駛出示國際牌及護照 ? 咁都得 , 北海道 Toyota 次次都要 ,
回覆刪除果然係各處鄉村各處例 . ^^
呢部 FIT 夠晒型仔 , 就算係銀色都唔差 . 正呀 !!
我都冇諗過佢會唔check國際車牌同護照@@
刪除部車都唔錯架XD
我覺得應該係個職員忘記左問你攞證件。
回覆刪除我諗都係嘅，不過佢都應該做慣外國人生意，咁都忘記就有點那個!!
刪除你無交代轉左租車公司，租車費用有無唔同噃?
回覆刪除價錢同車款都係一樣。
刪除今次比我租到架新SPADE, 內籠就真係唔掂, 無設雜物位放置雜物, 後座又不能放平擺行李, A柱位視野其差, 完全睇唔到倒後鏡, 司機位又頂膝蓋, 教極坐位都係頂 >_<
回覆刪除呢架Spade真係唔多掂喎，內籠細司機又坐得唔舒服，睇嚟要blacklist佢。今次架Fit都唔錯，我地帶咗一大一細唿，行李箱夠放唔使㩒低後座，可以將雜物背包全部掉晒喺後座。
刪除今次我都係租番 Sienta 坐三個人，三個背囊四隻喼四隻袋加一大堆衫零食同生果袋都裝得落。
回覆刪除我十三日又好似唔係行得到多過你好多喎，都係行咗1293，可能坐咗兩次船同平時泊好架車會搭路面電車或者的士 :P 油錢用咗12629，買路錢好彩有 ETC 只係用咗12810，唔係既話四國既買路錢都好金 XD
Nerissa, 咁車行有無比架新款Sienta你玩吓!
刪除真係行得好少喎，Sienta係唔係7人車?
刪除我明年都會去四國，都要book埋etc先得。
Mandy, 佢俾架係舊款最新 model :D
刪除Maggie, Sienta係7人車, 拍低最後兩個座位放行李 :P
Nerissa, 咁下次我地4個人就試下租呢架先 :)
刪除Maggie, 4個人我都租過呢款車, 要放4件26"喼好免強呀
刪除Mandy，如果我4個人去會帶2個28‘’喼同1個20‘’喼，咁放唔放得晒？
刪除2個28‘’喼加1個20‘’喼應該未必得, 你最好去2手車場睇睇穩陣D!!
刪除咁真係要研究下先。我去台灣幾次都係租日產Lavina，夠哂位放行李。
刪除我打算明年3月去福岡在tabirai 網租車, 初步㨂咗 Orix 租 hybrid 但見 Q&A 內容 寫要自已行去國内線,然後再行去 Orix 機塲店取車,見您在博多駅取車,唔知您知唔知机塲取車情况如何呢！
回覆刪除福岡空港國際線要搭shuttle去國內線先可以轉地鐵或巴士去博多。租車公司就喺國內線shuttle站對面。過條馬路就係。
刪除謝謝！
回覆刪除搭shuttle 去国內線要錢嗎？
回覆刪除唔使, 免費架
刪除