留家抗疫 - 這個冬至不太冷

 

以往我們一家在冬至正日都不會在家，今年由於疫情嚴峻要禁晚市堂食，反而令我們一家在冬至正日留家做節。

晚市禁堂食後，不少酒樓餐廳等紛紛推出盆菜外賣。我們有過上次自製中秋盆菜經驗，今次亦再自製盆菜。今年冬至最低氣溫只有14度，算是比較寒冷的一年。一家人圍爐吃盆菜，過一個暖笠笠的冬至。

除了冬至正日的自家製盆菜，之前的周末周日也食好D。近日澳洲龍蝦大平賣，趁熱鬧到街市買了兩隻來煮龍蝦伊麵。

兩隻龍蝦一隻靜若處子，另一隻動若脫兔

蒸熟龍蝦拆肉後放在伊麵之上，以牛奶煮溶芝士。淋上芝士汁的龍蝦伊麵，充滿奶香及濃郁的芝士味，味道蠻不錯

別浪費龍蝦殼，可以用來淆湯。龍蝦殼打碎後用來淆湯底，隔渣後用作伊麵或烏冬湯底，或直接做龍蝦湯。

除了澳洲龍蝦外，威靈頓牛排在飲食網都是最近的熱門話題。剛好永旺做特價，又買回家試試。

焗牛排前要先放在雪櫃(4度)解凍12小時

急凍威靈頓牛排只需加熱便可上枱。加熱過程其實很簡單，首先預熱氣炸鍋，在酥皮上掃上蛋汁，用200°C焗40分鐘便成。

中途再補搽蛋汁

賣相不錯啊！

肉質嫩，肉味濃，已經有意安哥再來一客

~ 自家製盆菜慶冬至 ~

盆菜材料多，所以周末周日已經開工做前期工序 - 發花膠、浸瑤柱，飛水的飛水，蒸的蒸....

花膠、冬菇及蘿蔔預先炆才夠入味

蒸熱其他材料

盆菜要有肉，買了半隻燒鴨

忙了兩天，冬至日待阿仔放工回家途中開始砌盆菜。

豬皮、蘿蔔及魚蛋放底部，然後逐一放入燒鴨、瑤柱、蝦、帶子、魷魚、藍青口

最後是鮑魚、花膠、冬菇。開爐翻熱後，一家人整整齊齊吃盆菜

盆菜多面睇

冬大過年，傳統習俗要食湯圓，寓意一家團團過冬。

攪攪新意思，今次食綠豆湯丸