2014 台中南投5天自駕遊 - Day 5.3 再戰梧棲觀光漁港、完結篇

睇完花又到午餐時間，

附近唔知有乜野食，

見仲有時間，再駛去梧棲漁港。

今日係端午節，台灣呢邊都係假期，

漁港比上次來時多了很多人。

對鱈魚念念不忘，決定再來一個。

求其炒碟菜及米粉

今次來台灣都冇食過柯仔煎，

叫左一碟，不過又唔記得走醬。

鱈魚煎好了，不過覺得冇上次咁好味。

食完野出去海邊行下

時間差不多了，

開車去機場上落客區還車。

還車都好簡單，去到機場停低架車，

跟住打電話叫格上職員落嚟交收。

好快check完架車，

上返counter找埋高速條數，

咁就bye bye。

(台中高速係電子收費，公路出口冇收費亭，

所以一路都唔知公路既收費，

另外行緊高速時見到顯示好似話假期免費，

所以總數只係70幾元，好抵呀。)

跟住行過隔離諗住check in寄行李，

點知地勤姐姐話18:15航班要等

16:40班機close左先做到，即係4點先得。

仲有十幾分鐘，我地就排住隊等。

到15:55見到有對男女，

推住行李慢慢行去counter，

正想叫佢地排隊之際，

見地勤姐姐幫佢地攪，

原來佢地係搭16:40個班機，

真係未見過有人5分鐘前先去寄行李，

仲要係慢條斯理，好似仲有大把時間咁。

隔左一陣，地勤姐姐叫我們埋去check in。

架機到左喇

但係航班資訊顯示班機要delay，

不過係delay十分鐘咁多啫。

起飛喇，台中清泉岡機場會唔會再見呢？

~ ~ ~ Index ~ ~ ~

上一篇 : Day 5.2 中社觀光花市 (二)

~ ~ ~  完  ~ ~ ~

~ ~ ~  多謝收看  ~ ~ ~