2014 北海道16天初秋自駕遊 - 酒店篇

之前講左民宿，而家就輪到講酒店，去16日減左3晚民宿都仲有12日酒店要訂，仲要日日唔同地區 (除左札幌)，都咪話唔頭痕。因為仲有一段時間先出發，每隔幾日都會check下有冇新promote，所以未到最後一刻都未作準。

Day 1
東横INN成田空港  (禁煙ダブル，6480yen)
最初諗住搵上野既酒店，方便第2朝去成田，不過後來諗過今次得一個司機，又係第一次係日本揸車，想預多點時間適應，所以訂早一點的航班上新千歲，咁就可以早一點駕車去旭川，唔使揸到天黑。於是就訂左東横INN成田空港，有free shuttle去成田空港。搭完凌晨機都唔會玩到好夜，早d食晚飯跟住就入成田轉酒店車返酒店休息，第二朝又唔使未天光就起身，可以食埋個早餐先去機場。

Day 2
東橫INN旭川駅東口 (禁煙エコノミーダブル，6669yen, 泊車500yen)

Day 3
層雲峡朝陽亭 朝陽リゾートホテル (經官網訂2 人18616yen，泊車無料)
層雲峡有好幾間有名氣酒店，朝陽亭係其中一間，第一次去層雲峡就試下呢間先。
2014.8.29: 今日上官網睇發現出左一個"【野口観光50周年企画第4弾】ミートカーニバル！今年の秋は食欲の秋" 既新plan，比之前個plan平千幾yen，內容又差唔多, 即時改左個plan, 慳得幾多得幾多嘛 :))
20.14.9.1: 今日收到【野口観光50周年企画第4弾】既 promote email，入去睇原來朝陽リゾートホテル都有呢個plan，價錢一樣。朝陽リゾートホテル同朝陽亭係同一集團，當初係Jalen 搵酒店時見呢間價錢比朝陽亭貴, 但評分就比朝陽亭高少少，既然有一樣價錢既plan，當然揀朝陽リゾートホテル。兩間酒店既溫泉係共用，仲有接駁車，如果有時間可以浸晒兩間溫泉。

Day 4
船長の家 (民宿篇一)

Day 5
知床の宿ランタン (民宿篇二)

Day 6
あかん遊久の里 鶴雅
呢間係全個trip最貴既酒店，睇阿寒遊記，大部份都係住鶴雅，好似唔住鶴雅就唔算嚟過阿寒咁。計過係旅館逗留時間唔長，如果訂個室付風呂plan，俾咁多錢淨係瞓果幾粒鐘真係唔化算，都係揀d最平plan，叫做住過鶴雅咁話啦。係官網訂平d同埋選擇多d，揀左呢個plan (【栞の館】和室12畳，美味百選バイキング，2人29460yen，泊車無料)。

Day 7
釧路酒店揀左好多間，最先訂左間近釧路川既溫泉酒店，不過後來Day 8 同 Day 9 都由民宿轉左溫泉酒店，前一晚住鶴雅又浸溫泉，之後兩晚又浸，咁浸法皮都甩，都係cancel再揀過。
跟住就訂左東橫INN釧路十字街同埋Super Hotel円頂の湯，始終都覺得Super 房太細，最後都cancel埋，諗住疊埋心水住東橫INN。但最近有blog友講開連鎖酒店，Route-inn同Comfort都可以試試。上Route-inn網睇大部份雙人房都過萬，超貴。Comfort 就仲有平plan，訂左間禁煙ダブルエコノミー，6800yen再加泊車520yen，比東橫INN貴幾百yen，可以一試。

Day 8
湯宿くったり温泉 レイクイン (民宿變酒店篇二)

Day 9
SPA＆HOTEL RESORTふらのラテール (民宿變酒店篇一)

Day 10
星の庵 (民宿篇三)

Day 11
東横INN旭川駅東口 (禁煙エコノミーダブル，6156yen, 泊車500yen)
由於之後一日要直踩落小樽，所以唔係旭岳住，行完旭岳就落返旭川，咁第二朝唔使揸咁耐車。

Day 12
小樽グリーンホテル
呢間係唯一訂素泊既酒店，由於一早就會出發去余市食海胆，所以訂素泊，經Jalan訂 (【本館／ダ ブ ル／禁 煙】14㎡，2人6600yen，泊車600 yen)。官網訂平600yen，但係好早已經冇晒禁煙房。

Day 13-14
東横INN札幌駅北口 (禁煙ダブル2泊，兩晚分別5616yen, 6669yen，泊車500yen)

Day 15
東横INN品川駅高輪口 (禁煙エコノミーダブル，8721yen)
羽田機場走，所以搵間近d酒店。

有6晚住東橫Inn，冇法旅費貴，慳等幾多得幾多，如果搵到平d先轉。