從杜拜回港後，雖然公司有安排Work from Home(WFH)，但我卻要連續返工兩個多星期，直至24號才開始WFH。這兩個多星期，每天都要帶十多小時口罩，所以上星期便想去行山，希望可以除下口罩，呼吸大自然空氣。可惜原來大部分人的想法都是一樣，結果山上人流比市區還要多，太多人聚集的地方還是要帶回口罩。
今個星期決定留在家中試焗古祖味蛋糕。
材料: 雞蛋3隻，低筋麵粉、牛奶各50g，牛油及砂糖各30g
分開蛋黃蛋白、加熱牛奶煮溶牛油
攪勻蛋黃後加入牛奶牛油溶液，再攪勻
再加入篩過的低筋麵粉，攪拌至糊狀
輪到打蛋白。先把1/3砂糖放入蛋白一同攪勻，期間再分3次加砂糖，繼續打蛋白至企身。
最後加入麵糊，慢慢攪勻
我們試用Air Fryer焗蛋糕。攪拌蛋漿期間，先用160°C預熱5分鐘。
焗盤先舖牛油紙，然後放入蛋漿。先以160°C焗15分鐘，再以140°C焗多15分鐘。
半小時後成功製成美味的古祖味蛋糕
☆ ☆ ☆ ☆ ☆
Air Fryer是去年購買來代替光波爐。其間製作了不少美味菜式，亦有些是失敗的。有部份菜式有紀錄下來，趁今次分享焗蛋糕，也順帶分享一下。
* * * * *
鰻魚 - 200°C 7分鐘，加蜜糖再焗3分鐘，超級美味
番薯 - 160°C 40分鐘。是失敗的，太乾了，還是用電飯煲加水焗軟綿綿得多。
蜜汁豬頸肉 - 應該是成功的。
德國豬手 - 皮不夠脆。豬手及燒肉始終不及光波爐的皮脆肉嫩。
菠蘿雞扒 - 炸好雞扒，再淋上菠蘿芡汁
芝士雜菌焗日本薯仔，薯仔要先烚淋
菠蘿燒雞 - 180°C 約30分鐘
蜜糖雞翼 - 150°C 15分鐘，中途要反轉。
溫泉蛋(雪櫃取出) - 155°C 9分鐘，取出即浸冰水。
釀豆腐、炸豆腐、金沙骨
焗全蛋麵兩吃 - 糖醋麵、鮑魚麵
嘩﹗好吸引喎﹗我個光波爐未壞，以上菜式我都試吓用光波爐整，謝謝分享﹗
回覆刪除以前用光波爐多數是燒雞、燒肉、义燒等。而家轉用氣炸鍋就嘗試咗好多不同菜式，好似多用途D。
刪除哈哈...你仲用緊米通碟，我都仲有唔少米通碗碟，全部都係結婚時買嘅，成30年了
回覆刪除米通碟都有番咁上下歷史㗎，已經爛一隻換一隻，但太襟用，換咁多年都未換晒🤣
刪除