2014.3.15 - 16 團購古兜溫泉2天遊

上星期六又去了團購旅遊，已經是第三次報團購旅遊了。第一次跟油麻地旅遊(Blog)，質素真係麻麻地。第二次跟中旅社去河源就好少少，今次是跟康泰，兩天純玩團其實是變相購物團，因為大部份景點都是購物點。話說過年時跟老同學團拜，老同學提出去二天溫泉旅遊Hea下加聚舊，剛好見到康泰團購旅遊連保險五百元玩兩天，仲要是星期六出發，不用請假。

今次只在羅湖關口集合，我們要一早乘兩程巴士到上水。先在上水食早餐，再搭火車到羅湖。幸好回程可停皇崗，不用轉幾次車回家。集合後乘車直往中山，第一個景點是觀賞四川變臉，其實是自費食石岐乳鴿。除了乳鴿，我們還點了鯪魚球、脆肉鯇及豆腐花，盛惠RMB206。

除了變臉之外，還有小兒科的魔術及民族婚嫁表演，不過我們都只顧食野，冇細心睇表演。

之後去食午飯，飯後去陳皮老舖，又是大出血時間。買完陳皮去觀賞所謂一年一度五邑賞奇葩之禾雀花。初時以為是一大片花海，事實是只有一個花棚有幾棵禾雀花。

開了花的禾雀花又幾似禾花雀

4點半到達古兜溫泉，當導遊辦理房間時，我們就在溫泉谷前看「萬人遊新會」啟動儀式。

無無聊聊的儀式冇興趣睇，在附近影下相打發時間。

其實十多年前已經來過古兜溫泉，不過記憶模糊，當分好房間，走入別墅區時，就對環境有些少印象。

我們住在第六街，別墅地下是客飯廳及偏廳，另外有後園及私人溫泉池，不過溫泉池沒有水，不能享用。

跟以往一樣要求了大床房，所以被編了頂層的房間，房間比樓下的房大及有露台，景觀一般，不過很開陽。

團費不包晚餐，要另外加錢訂自助晚餐，每位RMB68。食物款式不多，不過最好味的是兩款湯，枇杷葉龍骨湯及魚湯，從未試過食自助餐的湯有如此高水準，客人要排隊取湯。

飲飽湯回房休息完就去浸溫泉，溫泉水很熱，所有池一式一樣冇特別。反而是第二天早上去的SPA池就比較好玩。11點退房離開，大約12點半食午飯，每人一隻秘製高麗參貴妃雞，完全食不出高麗參味，跟昨晚自費的泥渨雞味道差不多。餐廳有賣蘆薈菠蘿包，聞到香噴噴，有團友買了請大家食，熱騰騰好好味。

餐廳外種的蘆薈開了花，還未見過蘆薈開花。

之後去參觀咀香園，又要大出血了。

杏仁餅模標誌

亞茂學人整餅

整完餅參觀工場及購物

在咀香園放低幾百元人仔後，到果園食生果。

有菠蘿、番石榴、木瓜及香蕉任食，另外還可摘番石榴及楊桃。

食完生果，乘車返深圳，結束兩天購物之旅。