今次十多天行程，有16日是自駕遊。分開了兩地租車，而兩程租車都是經 たびらい租的。
＊＊ 北海道租車 ＊＊
北海道揀了 Orix (オリックスレンタカー)。揀了這個plan-【禁煙車指定】ハイブリッドなのに4WD♪「フィット3ハイブリッド（4WD）」指定ウィンタープラン！
タイプ・クラス：エコカー/フィット3ハイブリッド（禁煙車）。即係指定車款Honda Fit 3 Hybrid。租了8日共34560yen，新千歲空港租車及還車，另外要求了ETC咭，租金324yen。辦手續時職員sell我地買Hokkaido Expressway Pass，話好抵買，不過我地都唔打算行Highway，租定ETC咭只是以防萬一。
辦好手續就去攞車，不知道是否聽到我的呼喚(北九州租車)，今次竟然是白色車，不過司機老爺就唔多鍾意白色車。
(以下相片不是在車行影的)
外型跟去年九州租的Honda Fit一樣
車行冬季(到3月尾止)會配備雪軚，我就唔係好識睇是否雪軚。
兩件大行李放唔落，要撳低一邊前座
57827km，又係行駛了不少時日了。第8日還車是58938km，即是行駛了1111km，平均每天行了接近139km。入了兩次油，第一次在離開函館，在道の駅ＹＯＵ遊もり附近入油 (32L@110 3520yen)；第二次是去新千歲還車時，在新千歲空港附近入油 (23.55L@113 2661yen)。唔知算唔算慳油。
攪好手續驗完車，就幫架車裝身。原來車行職員一直等到我們離開車行才返回辦公室，要他等了這麼久真不好意思。
＊＊ 大阪租車 ＊＊
大阪租車都是たびらい，咁啱又係白色車。今次揀了Toyota，個Plan係【禁煙車】aqua同等級(HV1) 。填好資料送出後會收到中文確認電郵，之後再要求了ETC咭，亦都很快便確認會預留ETC咭。NAMBA總站店取車及還車，租車費比北海道貴得多，同樣是8天就要61380yen，另加ETC咭324yen。
又係放唔落兩件大行李，又要撳低一邊前座
14702km，今次架車新啲。還車時是16038km，共行駛了1336km，平均每天行了167km，比北海道時行多了，辛苦了司機老爺。今次是分段入油，不再打爆油缸。第一次在廣島市區，因為見油價貴，所以先入2000yen (17.24L@116)；第二次在兵庫朝來市，是第一次嘗試自助式入油，又入了2000yen (18.9L@106)；最後一次是從美山町趕去大阪還車時入的，又是自助式入油，打爆油缸入了1665yen (15.86L@105)
這架車竟然沒有USB，我們只好用手機播歌。另外入後波時，GPS可以看到車尾情況，泊車就方便得多。
架 Honda Fit Hybrid 平均都係唔過 HK$0.4/km 都算係抵。妳第二程租 Toyota 就會一定貴過係北海道個架租金，我都試過想租呢一架 Aqua 揸下，不過佢D Plan 全部都係貴過 Honda Fit 嘅...不過呢架 Aqua 唔洗HK$0.3/km 都幾慳油喎，如果係行下多地方，油費方面都可以慳唔少..
回覆刪除北海道同九州租車都比較平，我上年响關東租3日都要2萬幾円，關西都知一樣貴D。見Toyota個價都ok，又未試過Aqua，咁就試下啦。混油車真係幾慳油，加埋我地試自助式入油，油價又平少少，都慳唔少架^^
刪除Honda Fit果然有型 , 尤其係個錶板 , 簡單得黎又夠搶鏡 . 讚呀 !
回覆刪除至於雪呔 , t先生教過點分 , 雪呔表面佈滿菠蘿釘 , 好容易分得出 .
帶埋透明膠紙去執好D線位 , 果然準備充足喎 , 我果D求其亂咁夾起佢咋 .
咦 ~ 我租AQUA果陣冇後波鏡 , 新車有呢款設備 , 又要讚呀 .
呢兩款車我淨係試過AQUA , 你覺得邊款好D呀 ?
Honda Fit係幾型仔架^^
刪除租車時寫明配備雪軚，都應該係啩。
因為裝埋car cam，所以帶咗膠紙去執好D線，D線唔使掉掉fing嘛^^
都係第一次有後波鏡，泊車可以睇位方便好多。
司機話Honda Fit好力D同內籠闊D，好揸好多。
後波鏡真係好正，尤其是行錯入單程小路，倒車睇位一目了然!
刪除我係香港睇過 Aqua (香港即 Arius) 架車就長過 Honda Fit 少少，但係內籠就細~~Honda Fit 個內籠係多空間過 Aqua 架...
刪除未揸過 Aqua (Prius 就揸過，不過個架係 1,800c.c.，一定好好力) 所以唔知好唔好力，但係架Fit 上斜真係幾好力...
Mandy, 今次酒店車位有啲都幾窄，加上日本人泊車都幾求其，經常泊到貼晒界，有個後波鏡幫手睇位，好泊好多。
刪除Ben，講車我乜都唔識，我通常揀1500cc車，比較完價錢就比大老爺落實租乜車。
刪除我之前係沖繩同九州都係租AQUA，兩次都有後波鏡，非常慳油，但係空間唔算好多
刪除Toyota係第一次租，見好多blog友都鍾意租Toyota車，所以試下～
刪除梗係慳油啦，但個尾先好細
回覆刪除又慳油，加上油價又平咗好多，真係慳咗唔少^^
刪除“尾先”係咪指尾箱，我地兩個人就唔係問題，上年去九州都係租Honda Fit，不過果次帶1大1細喼就啱啱好放得落。如果一家4口去就會租7人車。
北海道租8日大約35000yen好平啊，平均一日5000yen都唔洗好抵玩
回覆刪除北海道同九州租車都好平，北海道啲路又好行又唔多車，真係好適合自駕遊
刪除看了您個blog一年多
回覆刪除為將來日本自駕遊作準備
搶到一程$68高松返香港
去程$448香港飛廣島
想請
1.問可否由廣島揸車去高松？约揸多久？
2.可否取車地点同還車地点不同？貴多幾多？
多謝師兄長期支持:)
刪除每個地方距離我會响google map度check, 你由廣島揸車去高松, 中途應該都有其他景點, 所以好難計算喎。俾個大約你參考, 我地响德島去瀬戸大橋就用咗2個幾鐘(唔上高速公路);由道後溫泉經今治去尾道就大約2個半鐘, 再去廣島又係2個鐘。
取車地点同還車地点不同會有異地還車收費，要睇番間公司點收。我只試過關東異地還車，收3000yen。但我試過check盛岡租秋田還要加10000yen。
刪除我地一家4口明年会第一次在日本自駕, 請問租車在边個網book,上個月第一次自駕在济州,用 Hertz。
回覆刪除謝謝!
我係budget遊，所以會揀agent租車，會平D，不過車款不多同埋可能車舊D。如果對車有要求就最好去返官網租。
刪除我只租過兩間租車agent公司，一間係ToCoo トクー, http://www2.tocoo.jp/jp。呢間租完之後兩個月左右比黑客入侵，信用咭資料外洩，我要換晒2張信用咭。所以之後我就用返呢間 たびらい http://www.tabirai.net/car/
我去北海道四國同沖繩都係經呢間租車。
好多謝您咁快回覆，謝謝呀!!!
回覆刪除(師兄)唔敢當，我係初初哥(妹)咋😃
我地去6日比較趕，唔会去太多景点，請問您意見，有那些景点必去/值得去？
請問您 book 酒店用咩網嫁?
謝謝
我地瀬戸內海呢一part都係玩咗6日, 不過係6個full day，但都已經係走馬看花。你廣島入就算早機去到都近黃昏，回程高松走又係黃昏機，嗰日都係要留响高松，所以實際得4日走動時間。一係就集中玩中國地區廣島(宮島)-尾道(千光寺)-倉敷(美觀地區)-岡山(後樂園)-經瀬戸大橋入香川(金刀比羅宮)-高松(粟林公園)。或者集中玩四國，廣島(宮島)-尾道(千光寺)-今治(毛巾館)-道後溫泉-松山城-香川(金刀比羅宮)-祖谷温泉-高松(粟林公園)。
刪除book酒店我多數用Jalan http://www.jalan.net/，不過都會去官網比較價錢。
刪除謝謝您咁快回覆😉
回覆刪除麻煩晒
遲d再有問題再請教您😃
唔使客氣
刪除謝謝您宝貴的意見
回覆刪除剛剛嘗試上 tabirai 網 想check 下價
入咗3月尾及5月尾 (只可去到6月尾）(我地9月尾才去),兩個時段都冇車, 是否太早未有呢😃
剛剛想試下上tabirai網 check 下價
回覆刪除我入咗3月尾及5月尾(只去到6月尾），我地9月尾去,但都話冇車，是否太早 book ?
剛剛上 tabirai 網 check 下價，但 12月中，2,3,5月尾都話冇車 (只可 check 到去6月尾),我地9月尾去。我用中文網，是否要用日文網
回覆刪除我用日文網訂車，我昨天才訂了11月尾千葉租車。我一般都係1-2個前訂車，可能太早未有9月。但12月，2，3，5月都冇車就有d其怪。你想訂幾時同埋邊度攞車?
刪除剛剛响日文網check，廣島空港攞車高松空港還車，只可以訂到3月。小型車5-70000yen視乎車款同車行，另異地還車加15xxx-23xxx円不等。
刪除謝謝您幫我 check 埋，感激萬分！
刪除我一陣再試下，我是在日本網(用中文翻譯）
我地打算帶2個噫，諗緊租小型車定7人車
,
剛上日文網,入到去再用中文翻譯
刪除就 check 到了，唔該晒！
請問在這租車，是否在机塲有 counter, 登記後坐他們的 shuttle bus 去取車
如果兩個都係大喼(28-29")，小型車就未必夠。但如果好似我去九州時1個29"1個20-22"喼就冇問題。可以參考呢篇blog
刪除http://maggiekaykie.blogspot.hk/2015/11/2015-9-budget.html?m=1
謝謝回覆,唔該晒😂
回覆刪除下午試過上日本網,入到去再用中文翻譯就 check 到有車啦
請問在這租車,是否在机塲 counter 登記，然後坐 shuttle bus 去取車
廣島同高松空港我都未去過, 所以都唔知需唔需要坐shuttle bus。不過你訂車時睇返佢空港店資料會寫有冇送迎。因為間間空港店都唔同，新千歲同那霸都要先登記，然後坐 shuttle bus去辦手續。福岡店就响国內線大樓對面，可以行過去。通常訂完車後，個confirm email會教你點搵佢個接車地點。
刪除知道了, 麻煩晒！
回覆刪除請問在日本自駕是否入电話號碼就可以，我見您地有時入 map code, 請問 map code 在哪可搵到？
回覆刪除唔係度度地方都有電話號碼，例如美瑛D樹點會有電話，呢D情況下就要入mapcode。好難用文字教你搵mapcode，你用google search打"mapcode教學"就會搵到好多教學貼，唔難學架。
刪除多謝教路！
回覆刪除萬分感激！
Check 到有個網站 http:www.timescar-rental.hk, 好似d車幾平，但見您地及其他日本自駕遊人士都冇在這 book 過車，是否d車比較舊?
回覆刪除呢間我冇留意到, 唔知掂唔掂。我都係跟大隊搵租車公司XD
刪除請賜教意見
回覆刪除第一日
13:35 到廣島机塲
去和平公園 (51分)
第二日
去宮島(1小時11分)
尾道千光寺
(2小時19分)
第三日
去今冶毛巾館 (1小時14分)
松山城 (1小時)
道後温泉 (11分)
第四日
去金刀比罗宮(2小時)
大鳴門橋睇旋過(1小時33分)
第五日
去粟林公園 (1小時13分)
高松商店街
第六日
酒店周边商店
如果想玩埋宮島干潮, 就要夾下時間。第三日你住道後定住香川縣。如果由道後出發，玩完金刀比羅宮驚唔夠時間睇鳴門旋渦。你要check埋干/滿潮時間。其他可以再加D後備景點，有時間就順道玩多個地方。
刪除宫島應該夾唔到時間玩埋干潮
回覆刪除第三日住道後温泉
第四日去金刀比羅宮,主菜是想去神樁食個晏
如驚唔夠時間睇旋渦, 咁可能唔去
第五日現改去小豆島 (亞女想去）
回程如有時間先去埋粟林公園
如冇時間就第六日早上先去
第六日 18:20 机飛返HK
宮島唔玩干潮啦，怕夾唔到時間
回覆刪除第三日住道後温泉
第四日去金刀比羅宮,主要係想去神樁食個晏，兼到此一遊，如唔夠時間睇旋渦，可能唔去金刀比羅宮，或唔去睇旋渦 (可能要擇其一）
第五日改咗去小豆島(亞女想去)，回程如有時間去埋粟林公園，冇時間就第六日早上去或 shopping (擇其一)，都好趕！
干潮可以行到大鳥居下，如果夾到就去啦。小豆島都唔錯吖。仲有時間可以慢慢plan，話唔定plan plan下又有新發現呢XD
刪除宮島大/干潮在網上check约11:00/16:30
回覆刪除咁就要預成5個鐘在宮島, 等我度下先。
多謝提点！有咗個大綱可慢慢爬 blog文
今天爬文見到廣島有蟹道樂, 又想加入行程。
遲些有疑問可能又要請教您啦！
睇下可唔可以分開兩日去宮島
刪除等我度下先！
回覆刪除多謝指教，唔該晒！
請問您地有冇帶過1個28吋1個26吋喼(回程買了30Kgx2),如有租那款車😃
回覆刪除，依家頭痕緊租哪款車才可放得落😞
60kg可以大出血啦😅
刪除我地今次去日數長，所以帶咗兩個大喼(28"同29")
Aqua同Fit都放唔到兩個喼。
上年去九州就一個29"+1個21"，部Fit就放到。
買30Kg係因為25同30kg差5蚊😂
刪除我冇留意差咁少，早知今次去東京都買30kg😅
刪除係呀！
刪除20kg$260
25kg$360
30kg$365
比多5蚊豪比佢,費時到時超磅要開喼😃
下次我都豪5蚊比佢買30kg😁
刪除更正：20kg-$229 (平咗)
刪除我地在tabirai
回覆刪除想㨂豐田水族1,500cc
但又怕車尾箱放唔落
再大一级就貴好多😞
豐田Aqua一定放唔到兩個大喼。仲有Aqua內籠窄過Honda Fit，所以今次去沖繩司機都係揀番Fit。
刪除我在tabirai網度揾唔到 Honda Fit
刪除只揾到全部都係豐田車😞
我見有架豐田wish 1800cc 7人座 (W1)
貴多16,200yen😞
唔知 Honda Fit 可否放得落2個26吋呢😞
刪除你試下揀Orix，應該有Honda車。你4個人租7人車會坐得舒服D。我未試過帶2個26吋喼，所以唔肯定放唔放得落。你去6日唔算長，或者可以帶1個28吋+1個22吋。戰利品用紙箱裝。60kg行李唔計件數架。
刪除60Kg行李唔計件數咩, 好嘢😂
刪除我今年9月去济州見係一件計20/25Kg
是否買30Kg就唔計件数架!
剛 check Orix 有 Honda Fit 6日5夜要 74,000 Yen
刪除在 Tabirai 見豐田 wish 7人車要76,000 Yen, 貴2千円, 但 1,800cc 用油好多
好多謝您話我知60kg唔計件數，您個主意好好1個28吋+1個22吋,戰利品用箱，good idea,感激萬分😂
刪除間間airline都唔同，快運係計重量。
刪除6日5夜要74000yen係唔係包括異地還車?7人車都係多2000yen唔算貴喎，你去6日油錢都係有限啫。
係呀已包括異地還車啦
刪除我見您地行咗13xxkm 都係入咗51公升油度,Toyota Aqua真係好慳油,如7人車我老公話可能貴多三百蚊度。
我地租嗰兩架都係混能車會慳油D。
刪除如好似您咁撳低前座一边
回覆刪除咁後面坐唔坐到兩個人(瘦,不肥)😃
撳低一邊就只剩2/3個位，坐兩個人會好迫喎
刪除在網上見到有間 rentalcars幾平,但見您地d 日遊人仕好少幫襯，是否d車比較舊
回覆刪除我都係見多人租tabirai，所以就試下，覺得ok，之後都費事搵第二間😆
刪除Rentalcars 再看清楚見有＂相似類車"字樣，好似冇咁好😠
刪除如果唔係差太遠，我通常會揀指定車款plan，不過有時未必有指定plan，多數都係或同級車。我多數兩個人，乜車款都影響唔大，所以如果遇到特價冇得揀車款果D plan，我都會揀，因為真係平好多。
刪除謝謝分享😃
回覆刪除請問边度可以check度行高速路費要多少，我剛用Google map check 由廣島機塲出市中心，有幾段要收費，但睇唔到收幾多。
回覆刪除又search 到其他每程都有好多段路都要收費，想預計下要幾多錢，唔該！
我用呢個網check，你慢慢試下，我都唔太識用，有時只係搵大概時點嚟check。
刪除https://www.navitime.co.jp/maps/routeSearch?car=only.multi.turn&type=car
咁 SA 休息站，在車上GPS 有冇顯示,之前在冲繩架車GPS唔覺有,是否路程知冇呢？
回覆刪除我用 Google map search 就見到有 SA, 請賜教，唔該！
我記得行高速GPS會有顯示SA出口，而且有路牌應該會見到。
刪除謝謝，唔該晒！
回覆刪除見您在大板租車，回覆是中文电郵，是否有時回覆英文电郵,有時是中文?
回覆刪除我地在沖繩架Aqua車尾箱放了個28吋喼,
同您地一樣,我地見有位可以放多個喼在上面，但見您話放唔落，是否如兩個喼上下平放,会擋住睇倒後鏡呢
回覆電郵多數係英文，好少有中文。
刪除因為後座位係向後斜，放兩件大行李會頂住車尾門。
哦！明白了，謝謝！
回覆刪除我見您地在沖繩租車有加安心保，但在大阪冇講有加，是否Tabirai租車d plan 已包咗有安心保或要去到當地要求加。
我在 Tabirai 試 check Orix 租車公司,通常最多一個多月才見有 Orix, 一到兩個月就唔見有 Orix, 唔知 Orix 是否冇咁早放車出來？
好奇怪在Tabirai用日本語才可search到有廣島机塲取車，高松還車，中文語就 search 到話冇車！
沖繩係因為阿女首次自駕所以買埋安心保。平時我地未必會買，因為我地買旅遊保險有cover自駕。另外唔知有冇記錯，Toyota好似冇得加安心保。
刪除租車你睇日文版啦，會多D plan，好多時我都係2-3個月前就book定車。
在Tabirai 租車要否先登記成為会員？
回覆刪除唔使
刪除謝謝回覆，感激萬分！
回覆刪除上星期三7月5号在 Tabirai 日文網,Toyota Rent A Car內租咗架 Aqua (HV1),但至今只收到它即時 auto reply, 還未收到 Toyota 回覆, 請問一般幾耐会回覆，謝謝！
回覆刪除我想等收到回覆電郵後，send email request 中文/英文 GPS.
果個email就係架, email入面應該有條link, 下面有個 パスワード (password), 你click條link同copy個password, 就會去返你個booking, 咁就可以响booking度request ETC. GPS去到攞車時可以叫職員幫你set中文.
刪除多謝指教,等我揾下先，唔該晒！
回覆刪除剛在"確認消息框內＂ send 咗 (希望啱啦）,好彩問下您姐！謝謝您！
回覆刪除我們一家4口順利完成廣島四國6天自駕遊，返來了！
刪除好多謝您這一年裏不厭其煩地回覆我嘅問題及提供寶貴意見，令我這初哥順利成功揾料！
來年我地考慮緊去九洲或北海道,到時又要麻煩您啦！
唔好咁客氣啦, 最緊要係幫到你嘛 :)
刪除寫遊記都係想張自己去遊行既點滴記低, 方便自己重溫之餘又可以幫到人就最好不過啦。
九州或北海道我都應該可以幫到你, 有問題即管問啦XD
謝謝您先：)
回覆刪除我就係睇完您d遊記，就想去九洲或北海道!