今年第一次外遊唔係同大老爺去，而係同阿女去。話說去年未去九州前某日，阿女無端端話想買機票同我去日本玩。我說冇所謂不過日期一定要在聖誕後及農曆新年前。另外因為大老爺唔夠假期，阿仔又要上堂，只有我們兩個去，唔可以去太多日。終於阿女買咗大阪入福岡走玩8日，但晚機去早機返，實際得6日。
買了機票，她就交個波比我，只說了要去兔島、吳市同埋想坐山陽新幹線40周年及Eva TV版20年特別JR 「500 Type Eva」，行程全部由我度。幸好一路向西條路線同我今年3月個trip有部份重疊，很快便交出大綱。
由於阿女仲係P牌，唔可以自駕遊，所以今次係鐵路遊，由大阪一路玩到博多。
8天旅程去了大阪府加兵庫、岡山、廣島、山口及福岡5個縣。前幾天天氣唔錯，藍天白雲又唔太凍。到第五天在廣島時，溫度開始下降，去到下関更落雹，到福岡天氣才冇咁凍。先分享少少相，遊記不日上畫。
「500 Type Eva」
正!
回覆刪除點正法，哈哈！
刪除好正X2 , 兔島 ~ 我鍾意 . ^^
回覆刪除(如果去埋貓島就更正) haha ...
兔島係陪阿女去，我興趣唔係咁大。
刪除貓島喺邊架?
貓島好似在 愛媛縣 果頭 .
刪除研究下先，睇下有冇時間去^^
刪除