承接出發篇，在候機室等上機。今次好好彩被編了坐第5行，可以早點落機。
16:55 Osaka/Kansai在501閘口
從日本回來的航班遲了半小時才到達，我們亦延遲了半小時才可登機。今次搭點心機，义燒包唔記得有冇搭過
今次又聽到廣播搵人，隔了一會便見到有行李從行李倉卸下
喂，點解攞走我件行李呀? 痴咗線，今次都唔係帶呢個喼，只係同顏色、同行李帶，同埋差唔多款，自己嚇自己。
等到飛機駛出跑道已經日落了
排隊排到太陽都落山
遲了少少到達日本，幸好過海關同攞行李都好順利
第一時間走去JR Counter換Pass
換Pass時出了點問題。話說我們去到JR Counter出示交換券，當時感到職員態度有些不友善，但她都很快便替我們辦好山陽山陰Pass。接著我把預先印好的8程新幹線時間表交給她，她對我們說只可以出6程車票。當時我以為是好像成田機場般有限制出票的規定，於是就圈了6程給她。出好車票，我們回頭望當時完全冇人排隊，於是試下問她可不可以幫我們出埋餘下的車票。她竟然回答我們這個Pass是只可出6程新幹線車票，我們當然跟她理論。她就走去找資料，找了很久也找不到只出6程車票的條款。後來她可能不服氣，但又找不到反駁我們的理據，於是就跟我們說只可出多一程車票給我們。由於要趕搭JR，我們也不跟她再糾纏下去。餘下的一程車票明天才去新大阪出。
從空港去難波，搭南海電鐵是最直接。但這個Pass我們只用6天，多了一天沒理由浪費它，於是就搭JR出天王寺再轉地鐵去難波。我們趕不及搭22:28的関空快速，要搭22:46。不幸地又遇上JR人身事故，JR又延誤了很久。結果過了12點才到達酒店。
東横INN大阪なんば ◄ Index ► 購物與開支
吓﹗好像成田機場般有限制出票的規定？規定劃幾多程？我早前在成田換票時，個票務員態度不好，我劃好多程，佢好似好煩，又話你LI程無位，最後只劃左一程由東京去青森﹗之後我回到東京車站，九點多仍未關門，就劃下餘下十多程車票﹗東京車站票務員態度非常之好﹗
回覆刪除係呀，我幾年前飛成田去東北，佢話繁忙時間只俾我劃去東京加當日個程新幹線，其餘要去東京車站出。後尾我地去到仙台劃埋其餘車票。
刪除我都試過晌成田機場，佢只肯出 NEX 及當日新幹線指定席，不過佢話由東京去新青森冇晒位，之後去到東京，佢幫禁了一陣，之後幫我出了東京去仙台及仙台去新青森的指定席，只不過在仙台我要在同一班車轉去另一卡坐。
回覆刪除馬基，我係你，我會搭 JR 到天王寺，再轉JR車去 JR 難波，再徒步去酒店。
可能成田太多人換Pass同出飛, 所以有限制。
刪除係喎, 我自己都喺行程表寫咗可以轉JR，唔知點解果陣時會走咗去搭地鐵，可能太眼瞓 >_<