食完午餐到碼頭逛逛。兩次來下関都是天陰又大風
前面就是去門司港的船碼頭，再過就是海響館
あるかぽーと東防波堤灯台，燈塔個名好長呀！
開始沿海邊行去関門步道
関門大橋，又再見面
地面上有世界地圖
地圖上標示了青島和釜山，唔知有甚麼關係呢
河豚渠蓋
離遠見到春帆樓，上去睇下先
春帆樓，原址是一間醫院，之後改為旅館兼餐館。春帆樓係由伊藤博文題名，並在1888年成為日本第一間合法提供河豚料理的餐館。原來大有來頭，真係失覺晒。春帆樓原建築物在戰爭空襲燒毀了，之後經過重建，而旁邊建有「日清議和紀念館」以留紀念。我地當然食唔起河豚料理，只係去旁邊的日清講和記念館。
旁邊有條李鴻章道，又要講歷史，今次都算係歷史之旅。話說甲午戰爭清朝敗戰後簽訂《馬關條約》的地方就是春帆樓。當年談判期間，有一日李鴻章返回住宿地點時遭刺殺而受傷，後來為避免再遭伏擊改走小路往返春帆樓，而這條的小路就以他來命名。
日清講和記念館，入場無料
館內擺設了當時講數的場景
大清帝國欽差頭等全權大臣李鴻章的座椅
大日本帝國全權辦理大臣伊滕博文座椅
《馬關條約》為大清與日本於1895年4月17日在下関市簽署的條約。中方代表為李鴻章和李經方，日方代表為伊藤博文和陸奧宗光。該條約簽署後，其中第二條文是中國要割讓臺灣予日本，造成往後50年的台灣日治時期。條約中文原本現藏於台北國立故宮博物院，日文原本則藏於東京國立公文書館。換句話說，記念館內的是複印本。
日方代表為首相伊藤博文和外務大臣陸奧宗光
中方代表為欽差頭等全權大臣李鴻章和欽差全權大臣李經方
記念館好細，走一圈就睇完。接著繼續向前行，很快就到赤間神宮。仲記唔記得上面既水天門，就係今早在下関駅見到嗰個。
皇太子殿下御成婚記念之松，係邊位皇太子呢？
赤間神宮是為了祭祀在壇浦之戰身亡的安德天皇(日本第81代天王)所建。安德天皇死時只有8歲，得8歲點樣戰死沙場，實情係被投河自盡。睇維基原來安德天皇係平清盛外孫。平清盛有啲印象，原來上幾篇出現過，就喺宮島棧橋影過佢個像。
跟據網上資料，日本神話記載裡有三神器，八咫鏡、天叢雲劍及八尺瓊勾玉，而八咫鏡於1958年被一名考古學者從岡山縣挖掘出來，他將八咫鏡獻給赤間神宮，所以立了這磈「八咫鏡奉鎮碑」以作記念。據說八咫鏡現在是放在三重縣的伊勢神宮內。
匆匆睇完神宮，又要起程去下一站。
赤間神宮水中門影出去個景幾特別，不過上次去都幾多人，要搵機會去影都唔容易
回覆刪除可能天陰陰，冇留意可以喺門度影関門海峽
刪除李鴻章去簽馬關條約確實有血有汗
回覆刪除差D魂斷下関=_=
刪除