2016年2月24日 星期三

2016 西遊紀行鐵路遊 - Day 6.4 関門海峽行人步道


繼續沿海邊行,愈來愈接近関門大橋。點解海中會有舊大石?

行行下到了壇之浦古戰場,故名思義,呢度就係壇浦之戰的戰場。壇浦之戰係源平合戰,最後平家滅亡。平家是指平清盛家族的第三代。源是指源義經,呢個名又係有啲印象,去年11月去唐津睇曳山祭,有台山車就是叫源義経の兜。


関門大橋資料




平家大將平知盛

源義經銅像

這時突然間下起雨來,耳邊“嗒嗒“聲,唔似落雨,原來是落冰雹,地上都是白色一粒粒的冰粒。實在太凍了,立即衝過對面的関門步道入口。

兩個月前才行過一轉,咁快又舊地重遊。搭電梯落隧道,循例都要蓋番個印,今次由大小姐操刀。

點解今次多咗個古裝人?原來有個歷史体感紙艺居,仲見到龍馬。要過去門司港,冇時間研究係乜東東。


話咁快就行到去交界,左邊下関市,右邊北九州市


你影我時我影你

今次記得踩界

今次冇車唔使行返轉頭,咁點返下関呢?當然係用自己方法啦

蓋埋另一半印,上次唔知道可以攞記念品,今次剛好經過門司港觀光案內,順便攞埋。


唔記得有5定6款記念品,我地吸咗3張,佢就俾我地揀3份

関門人道全長780m

乘電梯上去就係北九州市,對面係下関市

出去門司港的巴士非常疏,反正要等半小時,就行去和布刈公園總站等巴士

草地上有隻異形

前面有架火車,再前面就係觀光車潮風號的乘車處





潮風號只在3月至11月運行,今日只可以搭巴士

班次真係好疏,成個鐘先得一班車,真係要夾啱時間來

仲有時間再四圍逛逛,前面有個潮風市場

有野食又有宅急便

終於等到巴士出去門司港

2 則留言:

  1. 係啦,咁疏真係難預。我上次好彩,咁啱有人搭的士嚟,我即刻截咗。

    回覆刪除
    回覆
    1. 其實行出去都得,好似係大約半個鐘左右

      刪除

多謝你的留言, 如果想以電郵通知我們的回覆, 請按「通知我」,我地會儘快回覆。