晨早的航班，天還未光便要乘車去機場。托運行李及過海關後，還有足夠時間讓我們吃個豐富早餐。一般晨早出發的航班都能準時，今天也不例外。
不多久飛機已升穿高空雲海
約3小時已飛到九州的最南端-鹿兒島，還看到薩摩富士開聞岳。
接著是九州第一大湖 - 池田湖
準時抵達鹿兒島空港，今次亦不需要打開行李箱檢查。離開空港大樓，穿過停車場，便看到租車公司。
今次租了日產，冇指定車款。今次給我們的是March。尾箱只夠放一件大行李，細行李要放在後排位。6日料金19000yen包基本保險，我們追加了NOC及NAS共2700yen，另外租ETC咭324yen。即共22024yen(HKD1545.63)。連入油及兩間酒店的泊車費用，今次租車總支出約HKD2100。
有後鏡方便泊車
6天共行駛了606公里，入了兩次油，合共6634yen。最近油價升了很多。
離開機場第一件事當然是去吃午餐。原本安排了去漁港吃海鮮丼，但google資料有誤，當日漁港食店全休息了。於是駛去吃壽司。
其實幾次的九州遊都有留意這間壽司連鎖店，但每次都總沒機會去，今次終於可以一嘗。
在迴轉帶上的壽司款式不多，點單上的圖片又不清晰，加上不懂日文，所以壽司吃得不多(只吃了10碟)。始終對壽司興趣只是一般，嘗過就算了，下次都會盡量找海鮮丼。
吃飽飽正式駛去指宿。跟上個月相比，這6天的天氣好得沒話說。證明大小姐才是招風雨的貴人，哈哈！
1個小時的車程到達指宿的第一站 - 池田湖。
池田湖是火山湖，亦是九州最大的湖。昭和53年9月3日有多人目擊湖面有巨大生物出現，因此便開始了池田湖水怪的傳說。
很藍的湖
還可以看到開聞岳
沿途仍能見到開聞岳，薩摩富士在之後的景點經常都會現身。
我覺得廉航的時間太好(早)，因為我住港島，太早的話我都要搭的士去機場，倒塔咁早機有時情願坐零晨機仲好﹐反正都瞓唔到幾多個鐘
回覆刪除俾我揀我都零願坐零晨機，不過鹿兒島冇零晨機。今次7點半機，我要搭4點半巴士出機場，基本上都瞓唔到幾多，唯有喺機上恰下。
刪除2100蚊6日即每人每天175蚊既交通費，超平啦！
回覆刪除不過唔洗比過路費咩？
南九州上高速唔係快得好多，所以我哋係全程行國道。
刪除原來係咁，平時自駕遊，我盡量唔行快速公路，因為開車會好悶，行街，有趣味好多。
刪除唔行高速點解要租ETC咭?
刪除行唔行高速要似乎响邊度同距離有幾遠需要幾多時間夠唔夠時間，行高速我通常都會响SA/PA停一停鬆一鬆响shop行一陣，行國道有時好多燈位，老公唔鍾意行下停下咁
行高速公路我都會在呢啲休息站休息架，仲用短睡添，不過就無野睇好悶。
刪除行國道，山路雖然慢，就睇下民生，屋仔，睇下啲人平時既生活，又有機會睇下風景，當遊車河咁囉。當然趕時間就唔容許喇。
不過行邊啲路都係好個人化既選擇。
主要係睇司機喜好囉...嘻嘻
刪除除咗要趕時間外，我哋多數行國度。尤其是沿海地區更加唔會上高速，因為可以停下行下欣賞風景。
刪除我都想問點解仲要租ETC咭，後來再諗下，可能係以備不時之需。
回覆刪除ETC咭只係响土、日、祝日行高速先有優惠，又或者D特別自動車道，平日係無
刪除除非經常要行唔想次次都要俾現金，咁用ETC就會方便及快好多
我條路線只有兩段路有機會上高速，本身訂車時都冇request留etc咭，去到租車時個職員突然講起etc咭，我就問老公要唔要，佢話324yen又唔係貴咪要埋囉😂
刪除有冇開得好快，比人抄牌?
回覆刪除開快車就梗係有啦，不過多數跟大隊，未試過抄牌
刪除請問你那一間租車, 謝謝
回覆刪除我係經tabirai.net租車
刪除