在高危日出發，雖然是乘11點35分的航班，我們要提早7點乘車出機場。未到8點已經到機場，1號客運大樓外排隊入離境大堂的人較多，我們在T2下車就不需排隊。辦妥寄倉行李，便在T2過海關。早了兩個小時到機場，有充裕時間去44閘口的貴賓室吃早餐。
快運航班一般都會準時出發，今次乘坐的是鯊魚。
很美的雲海
早了半小時到達名古屋中部國際機場。今天名古屋還有藍天，但之後幾天台風18迫近中部及北陸地區。我們的行程亦因此有所改變。這已是連續第3年遊日本遇正台風。
第二天才開始自駕遊，今天出市區要乘搭名鉄。去到售票處，最近的班次是機場快速列車「μ-SKY」，需要另購360yen的特別車票「μ-車票」。座位舒適，又有行李架，只是多360yen，挺划算的！
到酒店安頓後，便步行去名古屋駅旁的Biccam尋找心頭好。
購物完畢又要去Daiso替大少購物，順道買了晚餐回酒店。
~~ 酒店篇 ~~
為遷就明天取車，我們選擇了名古屋東橫Inn櫻通口本館。雙人房9120yen。距離名鉄名古屋駅有點遠，約需步行10分鐘。
斜對面是另一間東橫Inn櫻通口新館
這間雙人房比一般市區東橫大些，床頭竟然有空間放雜物。
廁所不是倒模式，活動空間多了
~~ 租車篇 ~~
一如以往經Tabirai.net租車。我們會在名古屋市內取車，中部国際空港還。搜尋時發現有些車行會收異地還車費用，但Budget沒有此項收費，而且Budget可購買CEP Pass，所以便選擇了Budget。6天車租連CEP Pass共34426yen。租了6天車但實際只行駛了5天，5天共行走了962km，平均每天192.4km，差不多每天接近3小時車程。5天入了兩次油，第一次自助入油入了4000yen，28.37L@141yen。第二次還車前入了1928yen，15.07L@128yen。中部泊車費比較貴，泊了5次車共3300yen。租車的總消費是43654yen。
Budget名古屋駅前店就在東橫Inn櫻通口本館對面
今次竟然是混能車
呀, 十月一剛剛加gst到 10%, 我剛剛係前一日就買好哂手信用打爆缸油 :)
回覆刪除老公冇假冇辦法，加到10%都要梗食
刪除加多2%無乜所謂啦, 最緊要玩很開心😃
刪除係酒店肉赤d，其他買野都無乜所謂啦😁
刪除我地都係在Budget租車租8天，原本係在tabirai 租，但後來上Budget官網,見到初次會員有1000yen折扣，就直接在官網訂了。我地都諗緊買唔買CEP pass, 我見啲bldg 介紹此pass, 話只要入口或出口是覆蓋範圍就包，但我有些頭㾗，我地一般只識跟住GPS行，都唔識分是否覆蓋範圍😅😅，一般是否買pass 抵些？ 是否可去到Budget才加買pass？
回覆刪除比個網誌你參考 https://www.travelclassroom.net/2014/03/etc-central-nippon-expressway-pass.html
刪除CEP Pass唔包名古屋市內同埋唔包中部機場同知多半島高速公路。我全程高速公路費係11800yen, 用pass慳咗2千幾yen, 如果想包埋機場同知多半島就要再加2千幾yen。我冇加到, 我喺滋賀返知多半島(我冇再入名古屋)係經伊勢灣岸自動車道, 喺東海IC出落去知多半島, 在知多半島全程行国道, 所以我唔需要再補錢。
買pass好似要預先同車行訂。
另外個pass係唔包能登。
謝謝回覆，咁我地再諗下先😅！
刪除請問您地最後一晚住哪間酒店，我地就訂咗Comfort 機場，本來想在常滑住，近Budget還車，但選擇不多😅
此留言已被作者移除。
刪除喺長野或去白川鄉都有D就算有ETC都要比現金嘅收賮路道, 由一百円至二百㡬円不等
刪除t先生：我有諗過下次自駕遊中部會去埋長野，到時再認真度下。
刪除Denise: 我原本訂咗常滑Route Inn，後尾阿女介紹呢間，有溫泉浸，早餐唔錯，9千幾yen，都唔錯。
刪除http://www.ttm21.com/midorikan/
多謝 t 先生賜教，我地都會去白川鄉及和倉溫泉
刪除我地行程會由中部機塲～金澤～和倉溫泉～（可能去搭小火車）～立山町(上立山黑部）～白川鄉～高山～上高山～新穗高纜車～下呂～長島 outlet～中部機場
刪除Denise: 我回程都係經長島，行伊勢灣岸自動車道去知多半島。如果你係直接去budget還車，你可以喺東海IC出，再轉行国道就唔使比知多半島公路費。
刪除謝謝賜教😜
刪除我記我你地坐過幾次燒賣。
回覆刪除混能車好吖，慳油呀！
係呀,燒賣我哋坐過幾次, 鯊魚就第一次坐。
刪除我哋冇揀指定車款, 我都估唔到車行會比架混能車, 慳油得嚟又夠力。
就係因為慳油夠力又夠靜，所以宜家租車都會租混能車
刪除有時見到有混能車plan，我都會揀，老公都鍾意揸混能車。
刪除我上個月坐10點機發高松，都係照舊2個半小時前到機場，T2無乜人，唔駛排隊出示登機證同passport就直入，在日本遇著打風都試過幾次，行程中打風都話改行程，去/回程遇上先死火，舊年北海道回程先至驚險，幾乎返唔到香港，諗起都一額汗
回覆刪除去年打風打到成個関西機場關閉，真係攪到一頭煙。今次係影響咗幾個景點，要行plan B。我阿女仲大獲，佢原本係12号飛，撞正超級巨風，好彩俾佢改到早1日出發。
刪除您地租6日連CEP pass 都都係三萬幾yen, 咁抵，請問有冇買免責賠償保險呀🤔
回覆刪除個plan係包埋免責，名古屋budget冇得再加noc。
刪除我在Budget官網訂車，有得加noc喎🤔
刪除名古屋駅店冇得加呀！
刪除我13號走都被cancel返唔到香港
回覆刪除你飛東京?我阿女13號從名古屋上白川鄉天氣已經轉好了
刪除返香港
刪除我意思係問你係咪由東京返香港
刪除係呀﹐東京返香港
刪除