繼續行萬里長城，又上又落都咪話唔辛苦
又要上斜喇，頂住呀
紅色嘅石頭，好似係黐落去舊大石度咁
呢個位可以睇度成條恐龍，
右邊頭，左邊尾。不過我覺得似條蛇。
條蛇爬緊落海呀！
後面果座係積丹岳
前面有座金字塔
點解光脫脫，寸草不生嘅
啲石頭會唔會碌落嚟架
終於行到去燈塔，即係差不多到最盡頭。
呢次旅程都睇咗唔少燈塔，
塔上面有展望台，不過已經過咗開放時間。
繞過燈塔再走到盡頭就見到神威岩
長途跋涉嚟呢度就係為咗睇呢舊石頭喇
對呢幾舊石頭嘅印象始於無線一套電視劇，
唔需多講大家都知道係2011年播嘅
"魚躍在花見"。
呢套劇喺北海道取景，當時仲未認識神威岬。
印象最深反而係初哥哥Chilam
同laughing gor喺海邊浸露天溫泉果場戲，
喺man wai blog度知道果個溫泉係
函館水無海浜溫泉。
Chilam同胡杏兒表白果場戲就喺呢度拍
(網圖)
相入面個圓形就係呢個地圖
今日有幸喺咁靚嘅天空下來到，
仲唔影番夠本。
究竟可唔可以上舊岩石度呢？
愈近崖邊，啲水就愈碧綠
離開返回停車場，忽然見到隻狐狸
唔睇條尾巴仲以為係狗嚟架
有個小妹妹同佢玩，仲俾野佢食。
嚟度呢度，有個不幸嘅消息。
我張SD Card喺影完神威岩之後剛好滿咗。
返去架車度換過張咭，之後幾日影相都冇問題。
由於接下來幾天都在市區，每晚都夜返酒店，
加上經過十多日旅途，正所謂舟車勞頓，
返到酒店沒有精力再將相片備份，
咁就出事喇，呢次真係老貓燒鬚。
回家後將手機及相機啲相過落電腦，
手機同部D90張咭都正常過落電腦，
我部機第一張SD Card都正常，
但當插入第二張SD Card時，
電腦竟然要我format張咭，呢次大煲喇，
我地試過好多方法，亦搵人幫手都沒法開到。
相信唯一可以救番啲相係攞去專業救相，
但問過價錢相當貴，收費以一張咭計，
唔係計有幾多相，最平都要千五起。
考慮到張咭只有最後3日相，大概200張，
其中兩日又係舊地重遊。
而我地仲有另一部相機加手機相，
都仲有相睇，係少咗啲寫blog資料相，
所以決定放棄張咭。
~ ~ ~ Index ~ ~ ~
上一篇 : Day 13.3 神威岬
下一篇 : Day 13.5 山本観光果樹園、藻岩山
就係呢日之後冇哂D相﹖
回覆刪除我去旅行會帶埋pad去﹐每晚會將相機的相放係pad度backup
唔係冇晒，冇咗一半到啦。
刪除之前啲相全部有backup，係最尾幾曰開始懶先出事>_<
先講 神威岬 果度 , 呢輯相係我睇咁多網誌至正既一輯 ,
回覆刪除真係要講聲多謝 , 就算自己去都影唔到咁靚 , 讚呀 !!
另外有冇Check過 狐狸 食乜野架 ? 至怕佢係食人 ,
咁小妹妹既處境相當危險 . =_= !!
最後講 SD咭 , 類似既情況我都試過 , 所以相當明白係乜野心情 .
要成千幾蚊復修就梗係唔制啦 , 最多日後再去多次唶 . XD
嘻嘻, 小姐你想用貓糧餵狐狸 :D 狐狸好多蚤㗎, 比佢咬親就大鑊喇.
刪除首先多謝讚賞，呢輯相都係我最滿意嘅，所以都傾巢而出，盡量上晒啲相喇^^
刪除隻狐狸睇落冇乜殺傷力，另外現場仲有好多人，應該唔怕掛。
最多日後再去多次--> 我都係咁話啦^^
t : 基本上有毛類動物都有機會有蚤 , 最好唔好成隻抱起 ,
刪除遠距離咁睇應該冇問題既 . ^^
野生動物都係遠睇好d ^_-
刪除果頭被餵慣咗既狐狸會跟住你，嚇都唔走架 ＞_＜
刪除我見隻狐狸一路跟著個小妹妹行到去車度，仲以為係佢地養架XD
刪除第一次接觸到咁熱情既狐狸時, 比佢嚇個半死, 佳因成個山頭得我地兩個, 腦海即時出現電影恐怖場面, 比成群野狐圍攻, 然後分屍, 諗起都搞笑 XD
刪除Mandy, 咁都俾你諗到， 笑死人咩 XDD
刪除幾年前買 Sandisk Extreme 已有免費 recovery 工具附送, 只要咭未 format, 就好大機會揾番 80%
回覆刪除http://www.lc-tech.com/pc/sandisk-rescuepro-and-rescuepro-deluxe/?lang=zh-tw
實市面都有免費軟件不妨一試, 最緊要咭無被相機或電腦 format 到
http://pcsupport.about.com/od/filerecovery/tp/free-file-recovery-programs.htm
講牌子個人只會買 Sandisk 嘅 Extreme 未試過壞咭, 我相機係用 CF 咭, 前排買左部 sorry, 我都買張 16GB Extreme, 上個月 amazon 有減價就買多張 Lexar Professional 32GB CF 咭, 32GB 我可以影到千二張相
已經用過幾隻軟件試過都開唔番。幾年前張CF都試過同樣問題，當時搵專業救相救番，話係張咭既controller壞咗，我諗呢次都一樣。另外我張係普通scandisk, 冇附送recovery工具。
刪除E? 我試過你類似問題，救得番喎，你張咭 Format 咗未？
回覆刪除未format呀，反正張咭都用唔返，留係到睇下有冇機會重見天日嘛><
刪除你點救呀？
第一次係唔小心 Format 錯咗部大機的 HardDisc，果次應該 Format C Drive 但 Format 錯了D Drive，但朋友話只要Format後，唔再寫新野上去，啲data 冇走過，於是上網買了這個：http://www.winundelete.com/
刪除100 % 回復，連 N 年前我以為 Delete咗既野，都出現番。
第二次就係同你一樣，相機張咭影完，諗住過落電腦，佢叫我 Format，張咭插番落部相機，又係話張咭冇Data，叫我 Format 張咭，於是我「用電腦」的「快速」Format張咭，然後再用上次買的 Software，100% 復完。
第三次係旅行完，裝住全部相的 Portable HDD 死了，直頭插落部電腦冇反應，連叫我 Format都唔識，完全認唔到，於是我張部 HDD 放入密實袋，再放入雪櫃冰格，雪佢一晚，第二日凍冰冰地插入電腦，完全冇事！
E ??? 我剛剛寫了救咭方法，唔見咗？Maggie 你見到嗎？係咪太長自行 Delete ?
刪除第一次，唔小心Format錯了大機HDD，應該Format C Drive，但Format了 D Drive；朋友說 Format 了但冇寫新野上去，啲 Data 冇仲係到，於是上網買了這個：http://www.winundelete.com/
刪除100% 復完，連 N 年前我以為 Delete 了既野，都重現。
第二次，和你一樣，相機張咭影完，放落電腦或放回相機，都係叫我 Format 張咭，於是我「用電腦」的「快速」Format 張咭，然後用番上面個 Software，100% 復完。
刪除第三次，裝滿旅行相的 Portable HDD 死了，電腦完全Detect 唔到，連叫我 Format 都唔識，於是我把 HDD 放入密實袋，再放入雪櫃冰格，雪佢一晚，第二日凍冰冰地插入電腦，完全冇事！
刪除咁想請問如果是手機有無得救呀, 我唔覺意delete咗手機影果D相 :(
刪除Albert, 我喺email 收到你所有留言，google久唔久都會自動delete留言>_<
刪除等我慢慢研究你個方法，唔該晒^_^
Mandy，我諗手機相都一樣可以recover，問題係你有冇再save野落去，如果有就可能被override，咁就救唔番。
刪除噢, delete咗之後都有影過相, 咁即係無藥可救 >_<
刪除mandy 小姐, 其實 del 左並不表示無左, 佢只係去左垃圾桶, 係可以揾番出黎.
刪除不過 format 過就應該是要拜拜
t先生，手機個垃圾桶係邊度搵呀？
刪除部機未 format到, 咁...
刪除t先生，手機個垃圾桶係邊度搵呀？ x2
t先生，S5 好似無垃圾筒架 >_<
刪除各位，我張SD咭連format都無法完成，我諗應該救唔番喇 :-|
刪除雪佢一晚再試丨
刪除今晚試下先，其實知唔知係乜野原理可以雪完就冇事既。
刪除E? 我剛鬪發現，我之前打錯字 ... 朋友說 Format 了但冇寫新野上去，啲 Data 「冇」仲係到 <-- 打多過冇字 ！ >__<
刪除我都唔知點解雪佢會Work，但真係試過得！
Format 唔到 ... 其實你係咪唔覺意 "Hi" 到張咭左面個 Lock 制？
刪除check過冇lock到咭，我係電腦format做唔到，試過插落相機，一樣format唔到 -_-#
刪除