M & K 的遊記: 2013-2014 日本12天跨年之旅 – Day 12 明石海峽大橋、關西空港 (完)

2014年5月1日星期四

2013-2014 日本12天跨年之旅 – Day 12 明石海峽大橋、關西空港 (完)

2014.1.7 (Day 12) – 晴

歡樂的時光好快就過，終於到左旅程最後一天。由於團友仔的瘋狂購物，我們前兩日已經上桃子買多了一件行李(2600yen)。昨晚找到一個大紙箱替團友仔pack好行李，今早check out及寄存行李後就出發去神戶。

今天到神戶明石海峽大橋，先乘阪神なんば線到三宮再轉JR東海道山陽本線至舞子。

JR東海道山陽本線至舞子 290円

落左火車跟住指示行就會到舞子ヶ浜步道橋，過左橋就見到明石海峽大橋。

明石海峽大橋

舞子公園

跟據資料明石海峽大橋全長3911公尺，支撐懸索的兩座主塔間距長達1991公尺，為世界第一吊橋 (香港青馬橋排第9位，唔知而家有冇變動)。大橋橋樑主塔高291m，是日本第三高塔 (第一是晴空塔，高634m；第二是東京鐵塔，高334m)。原來我們今次旅程剛好去晒三個高塔。::oo2003

影完大橋o係附近欣賞海景之際，忽然聽到有廣東話交談聲，初時都沒有特別留意，後來發現原來當中竟然有一位是沒有聯絡多年的舊同事，他鄉遇故知，即刻影相send上FB，同事們都說世界真細小。她是跟EGL來大阪玩5天，今天是第二天行程，寒暄幾句已經夠鐘集合了，我們亦要上大橋展望階。

舞子海上觀景步道入場300円

上到8樓展望階，當然要出去行舞子海上觀景步道。步道用了差不多5年時間建成，總工程費50億日元。

今日天色唔錯，天同海都係藍色。

海上47mの丸木橋，企上去望落下面個海都有些小腳軟

兩隻野係度跳，唔驚呀 ::cc9148

玩完大橋，原先安排去明石，不過團友仔想去三宮Sogo買水果，所以回三宮先食飯後買水果。一出三宮車站就見到上次食神戶既ステーキランドKOBE，就係呢間食神戶牛午餐。食飽去Sogo買了些蘋果帶回家食。

返回難波，仲有時間逛街，係千日前行道具街。呢條街有好多家庭及廚房用品賣，行到差不多時間要回酒店取行李去機場了。

用近鐵周遊券出埋去關西空港的車票，車票下的紙箱就是團友仔另外加的行李。

去到機場先食晚餐，今晚都幾多人飛走，差不多滿座了。

大少同團友仔去了食迴轉壽司，我地3個人就買了蛋包飯，蛋包拉麵及咖哩炸雞食。食飽飽才去Peach counter check in。

到了counter 原來要自己先去做 online check in，將本Passport 擺埋去 scan，跟住就會有張 boarding pass print出嚟，連位都劃好，然後才寄行李。我們的行李有兩件超重了少許 (2kg內)，以為要即場減磅，但地勤叫我在一張Label上簽名，初時以前是要補錢，經解釋原來只是他們不會負責由於超重引起行李損壞的損失。心諗我們已經買了旅遊保險，萬一行李喼有問題都是Claim旅遊保險，所以便照簽名。

我地5個人分開左兩行，他們3個坐第7行，我地兩個就坐第9行，亦是(我相信是)全機最差一行，因為這一行是在機中間安全門前面，坐椅背不能向後挨，整晚要坐直，遇著前面的人向後挨就仲坐得辛苦。不知道其他LCC是不是這樣的，這晚完全不能睡，幸好去程不是坐這一行。如果有機會再搭Peach，一是加錢劃位、一是提早check in 坐最後幾排。