2014年5月19日星期一

2014 北海道16天初秋自駕遊 - 民宿變酒店篇 (二) 湯宿くったり温泉 レイクイン

第二間同佢無緣既係Yorkshire Farm,呢間民宿位於新得,距離帶廣同富良野都係個幾鐘車程,但咁啱我想訂果日係佢地休業日:-t 。咁又要再諗下果晚住唔住帶廣呢?其實帶廣既行程只有愛國同幸福兩個舊車站同埋去食元祖豚丼,夜晚既帶廣又好似冇街行,都係唔住帶廣喇,而家搵左呢間係新得既"湯宿くったり温泉 レイクイン",因為都趕唔切夕食,所以訂左1泊朝食。

湯宿くったり温泉 レイクイン (mapcode: 343 844 766)

計算過當日行程,上午行完釧路濕原,要揸兩個幾鐘先到帶廣,睇完愛國同幸福駅,再食埋元祖豚丼同行下長崎屋,入到酒店都幾夜下,所以只係訂1泊朝食付plan,2人9100yen。間酒店講到幾隱蔽下,o係個唔知叫乜名既湖畔,希望到時唔會迷路搵唔到間酒店啦。酒店又係有露天溫泉,都幾開揚,最唔鍾意室內溫泉,浸耐d都焗暈。



間酒店係Jalan評分都幾參差,不過風呂同朝食評分都有4分以上,都係諗住瞓一晚同浸個溫泉,就訂住先啦。

沒有留言:

發佈留言

多謝你的留言, 如果想以電郵通知我們的回覆, 請按「通知我」,我地會儘快回覆。