2014 北海道16天初秋自駕遊 - Day 16.1 鎌倉小町通り、鶴岡八幡宮

2014.10.8 (晴) 鎌倉小町通り→鶴岡八幡宮

→稲村ヶ崎→江の島→稚兒ヶ淵→品川月蝕

今日係旅程最後一天，明早乘6點幾機回港。
今晚會在機場過夜等到4點就去check in。
喺酒店辦好退房及寄存行李後，
就行過對面品川駅搭車去鎌倉。

品川 ─> 鎌倉 (ＪＲ横須賀線 720円)

Suica利用 (712円)

一年內兩度嚟鎌倉 (鎌倉BLOG)，

出咗鎌倉駅向小町通り進發。

上次人山人海，今日就行得好輕鬆舒適。

可以慢慢行慢慢睇

又嚟返呢間杉養峰園，又買咗杯雪糕食

行到街尾又見到試食檔，今次可以玩下喇。

一個個膠盒裝著幾種魚同魷魚。

坐低慢慢燒

試食完畢入去間舖逛咗一陣，

出嚟已經多咗好多人圍住試食。

跟著行去鶴岡八幡宮，今日都幾多人，

不過跟上次冇得比，上次多人到入唔到去。

係唔係好多人呢 >_<

舞殿好似進行緊祭祀

有個祭司喺度

仲有埋樂師

原來有婚禮，對新人企咗好耐，

唔通攰到恰著咗

睇咗一陣，都幾悶下，周圍逛下先

本宮(上宮)

行完個圈落番去個儀式仲未完，

呢次到巫女出場。

終於禮成，對新人出嚟影相

新娘子都幾珠圓玉潤

兩親家影埋張大合照，婚禮完畢，散場。

我地都走人喇，唔使送喇。

行番出去車站，買番張江之島電鐵 1 day pass，

坐電車去睇海。

~ ~ ~ Index ~ ~ ~

上一篇 : Day 15.3 東横INN品川駅高輪口

下一篇 : Day 16.2 稲村ヶ崎、江の島