2014.10.7 (晴) 大通公園→舊道廳
→新千歲空港→品川
今日下午就要離開北海道返落東京，
今早食完早餐寄存好行李就出去行下。
今日冇行程，都係周圍行下。
首先去咗大通公園，
嚟過幾次札幌都未試過早上嚟大通公園。
今早萬里無雲，都幾曬下。
公園裡得幾棵紅葉，不過襯埋電視塔，好正。
第一次喺陽光下拍電視塔
噴水池加電視塔
繼續沿大通公園直行，
見到有架觀光馬車
原來對面係馬車站，有幾個乘客上車，
每位盛惠1800yen 40分鐘。
馬車都要依交通規則，
等綠燈先好開車呀。
又行到去舊道廳，今次有時間入去參觀。
前面個花園都幾靚，
喺度玩完一輪自拍先入去。
其實喺舊道廳裡面都影咗唔少相，
不過只淨底呢一張。
參觀完畢，行返去味の時計台買拉麵帶回港。
跟著去札幌駅附近商場逛下。
又買咗兩個桃，另外喺bic cam買咗兩支梅酒。
喺food court食埋個午餐，
之後就返酒店再執行李出機場。
~ ~ ~ Index ~ ~ ~
下一篇 : Day 15.2 新千歲空港、品川
如果架馬車坐滿人，得呢一隻馬拉，隻馬會好辛苦。
回覆刪除睇落都幾多位，坐滿都唔知拉唔拉得郁 ><
刪除馬車有兩層咁誇張，隻馬仔好惨呀 :(
刪除唔知有冇限人數，我都戥隻馬辛苦>_<
刪除大通公園配上紅葉 , 估佢唔到有咁靚 , 堅呀 !!
回覆刪除CHOYA梅酒 , 咁識歎 . ^^
你10-11月放唔到假真係幾可惜，呢啲時間天氣多數唔錯，又有紅葉。
刪除5月去完台中後開始飲梅酒，所以見到有梅酒就買咗兩支^^
去咁多次，都未曾好好行過大通公園 >_<
刪除每次去大通公園都係夜晚，所以今次揀早去行下^_^
刪除