2014 北海道16天初秋自駕遊 - Day 16.3 稚兒ヶ淵、品川月蝕

食完塊燒餅就繼續行程，

上到去江島神社入口嘅赤紅鳥居之後，

今次唔向左走而係向右走。

向右走沿著山邊石階上山，行到死死下，

終於去到呢個浪漫拍拖勝地戀人の丘。

戀人の丘上有個龍戀之鐘。

傳說戀人一起鳴鐘，便會得到幸福。

雖然我地已經好幸福，但都去拷下個鐘影番張相。

鐘前面有個位可以放相機自拍，

唔使麻煩人幫手影。

另外鐘後面嘅圍欄，掛滿所謂同心鎖，

其實有冇諗過啲圍欄可唔可以負荷咁多鎖嘅重量呢？

由其係見到有啲橋兩旁欄杆都扣滿鎖，

都驚條橋會倒塌。

睇完個鐘又繼續行山，呢次唔係上山而係落山。

去有神奈川50景之稱嘅稚兒ヶ淵。

沿著橋一直行會去到江の島岩屋，

岩屋因早幾日打風受破壞暫停開放。

海邊岩石喺關東大地震時隆起，

而家變成磯釣好地方。不過呢度都幾大浪，

企喺岩石上面都要好小心。

較暗少少影下個天

又有耶穌光呀

睇完海就上返山，行完石級就見到呢間魚見亭，

入去食番碗生白飯魚丼。

裡面好多位，我地揀咗室外望到海嘅位。

呢度天清時可以見到富士山，今日就連影都睇唔到。

生白飯魚又係冇味，不過睇落冇熟嘅咁核突。

白飯魚丼860yen，連稅928yen。

行行下去咗燈台附近，今次冇上到去。
因為上次去有燈飾 ，今次就比較失色。

上次元旦日嘅江の島燈台 (跨年之旅Blog)

另外SPA樂園多了燈飾

開始天黑，我地都要走了。

回頭再影下沒有燈飾，但有藍調嘅江の島。

行返出江ノ電搭車，今次搭去藤沢。

藤沢 - 品川  (ＪＲ東海道本線 760円)

Suica利用 (756円)

返到品川，由於未夠鐘去機場，

我地就去品川駅附近行下。

離開港南口時，見到好多人望天打掛。

好奇心驅使下，我地都望埋一份。

今日係農曆十五，應該係月圓之夜，

但抬頭望月光，得返三份一個月亮。

原來今日係月蝕之夜，

冇諗過可以係外地睇到月蝕。

睇完月蝕，去咗すき家食牛丼，

跟著又喺駅附近百貨公司超市，

買定啲壽司刺身丼入機場食。

然後返酒店抖到差不多11點才出發去機場。

京急品川 ─> 京急羽田 (410円) 

Suica利用 (407円)

~ ~ ~ Index ~ ~ ~

上一篇 : Day 16.2 稲村ヶ崎、江の島

下一篇 : 完結篇