2014 北海道16天初秋自駕遊 - Day 16.2 稲村ヶ崎、江の島

離開鶴岡八幡宮，又行返去鎌倉駅。
今次唔係搭JR，係去後面搭江ノ電。
用600yen買咗張江ノ電一日票。

江ノ電啲車架架都好靚

原先諗住喺稲村ヶ崎可以見到富士山，

但總是事與願違，原本今早天氣唔錯，

但嚟到稲村ヶ崎，就變咗天陰加密雲，

富士山連影都唔見。冇山睇就改為睇海，

喺稲村ヶ崎車站落車後，向著海岸方向行到海邊，

呢度就係以衝浪活動著名嘅七里浜海岸。

真係有人玩衝浪架。

就咁睇個天都好藍，奈何就是看不到富士山

海邊好大風，睇咗一陣就返去搭電車去江の島。

呢幾隻小鳥成10個月都冇換過衫。

出咗江ノ島駅就行去弁天橋，

過橋之前行咗去右邊嘅小田急片瀨江ノ島駅，

呢個車站幾古色古香。

又踏上呢條長長嘅江の島弁天橋

到咗江の島參道，今次唔係直行上江島神社，

而係先行去左邊嘅湘南海岸公園同防波堤，

逛咗一陣就出返參道。之後行上去參道，

去咗SPA樂園對面間店買咗兩個白飯魚包套餐。

白飯魚包套餐550yen，唔記得有冇薯條。

睇落個包都幾核突，啲白飯魚好似蟲咁，

食落就同食魚包冇分別。

行到參道尾就見到早排J2介紹過嘅八爪魚燒餅

好多人排緊隊，我地都唔執輸排埋一份

呢塊就係八爪魚燒餅

除咗八爪魚，仲有龍蝦仔

壓扁咗嘅龍蝦燒餅

終於排到，比完錢會有個牌，憑牌換貨。

製作過程睇嚟好簡單，將八爪魚放落塊鐵板，

跟著冚埋塊板，再轉幾轉，燒一陣就完成。

八爪魚燒餅每塊350yen

~ ~ ~ Index ~ ~ ~

上一篇 : Day 16.1 鎌倉小町通り、鶴岡八幡宮

下一篇 : Day 16.3 稚兒ヶ淵、品川月蝕