2014 北海道16天初秋自駕遊 - 完結篇

去到機場，搵返過靚位先。

京急站出口附近有幾排長凳幾隱蔽，但已經滿坐。

我地就搵咗離櫃台不遠嘅長凳，

兩個人每人三個位，將行李放喺前面當屏風。

食埋個消夜就搵定快運個櫃台位置，

原來就喺我地個位附近冇幾遠，

跟著就去洗手間洗個面同換件衫。

點知就喺我洗面時，突然有個男保安走咗入嚟，

佢望到我都冇任何表示，仲四圍望好似搵緊人，

跟著喺對講機度講咗幾句就出返去。

真係有冇攪錯，咁大個機場連女保安都冇，

失驚無神走個男人入女廁，仲要連一句sorry都冇。

出返去之後就瞓覺，今次喺第二次喺機場瞓，

第一次喺仁川機場。

4點起身去check in，兩件寄倉行李共39kg。

手提行李就出咗少少問題 (講數篇Blog)。

攪掂晒就去候機室等上機

飛行了大概20幾分鐘，見到富士山頂，

估唔到喺江の島見唔到富士山，

竟然喺高空上見到。

沒有積雪的富士山頂

幾分鐘後，飛機逐漸遠離富士山

飛了4小時，9:40返到香港。

但過海關及等行李就用了接近1小時。

搭機場巴士一個鐘後已經返到溫暖的家。

返到屋企放低行李就即刻補眠，

瞓到傍晚才起身，第一時間開個蜜瓜食，

好甜，好好味呀!!

其實整個旅程應該計18日，因為22號23:50出發，

回程係9號06:20，買保險都要買18日。

不過實質旅程只有16日，所以都當係16日之旅。

完成旅程，跟著寫遊記。

寫完遊記，又計劃下次旅程，循環不息。

寫了3個月嘅16日遊記終於完成，

可以專心計劃3月台北宜蘭之旅，

同埋4月日本東北之旅。

多謝收看

~ ~ ~ Index ~ ~ ~

上一篇 : Day 16.3 稚兒ヶ淵、品川月蝕