這間酒店除了有露天風呂外，還有一個Water Land，這都是我選擇這間酒店的其中一個原因。
在房間消磨了一陣就換泳衣去玩水。
其實入場時都有幾多後生仔女正在玩水，我倆都即刻落水玩。到離開時夕食時間已開始，所以個水池已經冇人，我們才影幾張相。
每隔一段時間會有人造浪，水池又有無料水泡，都幾適合一家大細玩樂。美中不足是水溫比較凍。
另一邊有幾條唔同高度的巨型滑水梯，玩了幾次，磨到pat pat都有少少痛。最好笑是上面有告示提醒小心磨穿泳褲。
玩完水就去食晚餐，之後就去睇燈飾。睇完燈飾就輪到浸溫泉。風呂叫風波及水波，好像是男女交替。
晚上沒有影相，以下相片都是浸早湯時拍的。
左邊是按摩池
露天風呂景觀一流
溫泉水與湖水相互輝映，好美的畫面
雖然仍有薄雲圍繞著羊碲山，但跟昨天比較，老天爺已經對我不薄了，感恩..
清澈如鏡的湖水
晚上食完自助晚餐就到酒店外面的燈飾會場。以藍色為主的燈飾會場面積不算大，但太多的燈泡顯得有點雜亂
穿過隧道後，看見有人在燒煙花
從旁邊的斜路走上高處，視野廣闊些
路面還有結冰，行走時要小心翼翼
有得玩水上樂園正呀^_^風呂個景好正﹗
回覆刪除我地就係睇中個水上樂園^^
刪除好彩天晴先至有咁靚既view^_^
燈飾同溫泉景好靚 :)
回覆刪除燈飾我覺得嘛嘛咋
刪除唔係咁多酒店設有泳池 , 就算真都未必有滑梯 , 呢間酒店掂呀 .
回覆刪除而且溫泉都好掂 , 尤其係露天部份 , 利害 .
另外想問燈飾係屬於酒店範圍還是街外人都可以參觀 ? 好靚呀 .
附設水上樂園既酒店我喺札幌住過一間，叫菓子王國。第二次住Tomaru，呢間就冇滑水梯。今次呢間都幾好玩^^
刪除溫泉係我暫時住過個view最正。
燈飾應該係屬於酒店範圍。
又游又浸，要搽返好多cream潤潤佢。
回覆刪除個景咁正，睇煙火實靚爆。
去日本一定會帶cream，尤其冬天乾燥實會爆拆。
刪除煙火要4月中先開始有，呢間酒店睇會唔會遠咗D？
呢間旅館幾吸引喎，有水上樂園岩晒一家大細去玩
回覆刪除溫泉個景好靚，主景有洞爺湖，後景又有羊蹄山，完全配合到洞爺湖特色
如果去道南玩，可以考慮去呢間旅館住，價錢算合理
我就係睇中呢間酒店有得玩水，不過如果揀呢間酒店，或者考慮會席食，不過佢D甜點又太吸引XD
刪除