原本訂了三連泊東橫石垣，後來看過討論區推介這間在2017年3月才開業的ホテルWBF石垣島(官網)，步行往離島碼頭或公設市場都是十分鐘內，最吸引是有廚房，所以就訂了這間。
在Jalan選了這個Plan，≪New open≫【じゃらん限定】バザール祭≪素泊まり≫期間限定ご予約はお早目に。三晚素泊連泊車費合共24300yen。我用銀聯信用卡付款，折合港幣1683.86。價錢比東橫貴些，不過住得多東橫都想試試其他酒店。
酒店附近都是民居，環境清靜。酒店大門前及兩側有泊車位，採先順著制。酒店大門旁有幾部單車，不知是否無料借用。這酒店有門禁，晚上十時後大堂門會關閉。房客要從右邊側門出入，右邊門直入便是電梯及一樓客房。
大堂有無料咖啡及飲品供應
酒店牆壁裝修很特別，特別在像沒有裝修一樣，是平滑面的石屎牆。在走廊看很像監牢。
寬敞而光猛的房間，感覺很舒服
房內部份牆身都是石屎牆
房間在4樓，前面都是矮矮的平房，很開揚。
房內有洗衣機，大堂有無料洗衣粉供應，亦有有料乾衣機。
廚房有電磁爐、雪櫃、小焗爐及微波爐。
雪櫃裡的食物飲品當然不會是酒店供應，是在超市買回來的。
除了有煎pan及煲外，還有少量餐具，不過沒有清潔用品。
浴室用品齊全
我們的早餐及晚餐都是自煮，就像去了離島度假。
又會想自己煮嘅?
回覆刪除我哋鍾意逛超市或市場，每次去旅行都會帶埋個煲。今次間酒店有廚房，就更加見啱食就買返酒店煮XD
刪除去旅行我就打死都唔煮，平時响香港一個星期煮足5日仲唔夠，去旅行仲要我煮? 買D現成即食就無所謂囉...
刪除如果去城市夜晚有街逛就唔會煮晚餐，最多係買少量當消夜。不過呢度6點幾已經靜英英，經過d店舖都係拍烏蠅，冇街行只有逛超市。超市鮮肉部又吸引，買下買下又一餐XD
刪除你所謂嘅好似冇裝修,監牢嘅石屎牆叫清水模
回覆刪除又學到野👍，多謝
刪除