2014 台中南投5天自駕遊 - Day 2.3 觀山牧區

青青草原與觀山牧區之間有些攤販，

分開兩邊，一邊是熟食檔，

另一邊是賣茶葉、乾果之類的雜貨。

我們由雜貨區行上觀山牧區。

在青青草原出口蓋了手印，去到觀山牧區入口，

show下手印便通行無阻。

行了一陣就見到個風車，好多人圍住佢影相，

想影張冇人既相都幾難。

望返去對面既青青草原

咦！呢度又有幾隻馬，非也，

係清境農場花左120萬(唔知係台幣定紐幣)，

向紐西蘭引進的草泥馬(羊駝)，

好似話有5隻咁多。

睇完草泥馬，繼續前行，

下面山頭有座古堡，昨天上山時都見過，

就係老英格蘭莊園，

兩人房平日價NTD11500起。

不過呢類英式古堡，個人感覺都係覺得幾陰森，

我唔選擇住。不過呢度出名既係英式下午茶，

一陣就去High個tea先，等陣見。

去到馬術秀場，10：45有馬術秀，

個表演場地好細，

整個表演都係騎住匹馬跑圈，

跟住係隻馬背上做動作，

同係大陸的馬戲雜耍差不多，

我就覺得幾悶。

睇完個馬術秀後，

就行去大自然劇場同埋蝴蝶園，

大自然劇場又係冇野睇，諗住去蝴蝶園，

點知要出左觀山牧區之後落幾百級樓梯才到，

我地當然唔會去，

咁就行回頭路去返草原攤檔搵食。

又返到草泥馬園

睇馬術秀時都仲係幾曬，但個天話變就變，

大霧到連山都見唔到了。

不過霧境又有另一番美態，

唔怪之得清境有「霧上桃源」咁靚既名啦。

霧愈來愈濃，整個綿羊秀場地都睇唔到了。

大霧之後就到大雨，眼睇住大雨殺到，

而我們四個人只有一把雨傘，

只好趕快跑去綿羊城堡避雨。

看到雨沒有停的意思，

唯有待雨稍微細些少時，

派人用唯一一把雨傘返去車上攞傘，

才能離開清境農場。

~ ~ ~ Index ~ ~ ~

上一篇 : Day 2.2 青青草原

下一篇 : Day 2.4 老英格蘭莊園