2014 台中南投5天自駕遊 - Day 2.4 老英格蘭莊園

清境既雨一落就唔識停，離開清境農莊，
上返車搵下去邊度食野。
忽然想起老英格蘭既下午茶好早就開始，
即刻上網check， 11：30就有得high tea了。

老英格蘭莊園

下午茶 11：30 - 16：00
NTD450 + 10%

又雨又霧，成間城堡都灰濛濛

把車停係老英格蘭停車場，

行到呢個入口等侍應安排，

等左一陣就帶我地從旁邊庭園進入餐廳。

餐廳係呢座黑色城堡入面

石像隔離度門是進入客房區的

我們被安排坐係壁爐(唔知係真定係裝飾)

前面的6人圓檯，

隔離就係自助飲料吧。

下午茶冇得楝，只有一款，

落左order就先來一杯花茶及甜點。

檸檬mousse，酸酸地都幾好味

等左一陣先到既三層下午茶(二人份)，

呢份係團友既

跟住就到我地個份，其實兩份內容一樣，

只係甜點顏色不同。

個三層架成個雀籠咁

逐層影下相先，

頂層有果凍同馬卡龍

中間第二層都仲係甜點

最底一層係鬆餅同撻

開始逐層攞落嚟食，

馬卡龍同另外塊餅都鬼咁甜，

粉紅色果塊餅直情好似食糖咁。

果凍都一般，佢地又唔提供匙羹，

要用义食果凍，

真係唔夠細心。

第二層甜品小點心都係好甜，

可能係台灣人口味徧甜。

食晒上面兩層唔飽既，食埋底層就一定夠飽。

呢一層全部都係餅同撻，

果個好似豬柳漢堡既飽裡面係夾火腿唔係豬柳，

個飽太乾，好難食，其他餅味道都還可以。

自助飲料吧有兩部咖啡機，

另外有果汁同幾款花茶，

每款飲一杯都飲到肚漲

外面仍然下著大雨，室內又徧暗，

所以相比較暗

頂部有個大天窗，好天可以睇到藍藍天空，

今日就灰灰暗暗

有人話英式下午茶係食服務多過食品質素，

但係我地就食唔到佢既服務質素，

因為除左帶位同上餐，就完全冇服務，

連最先攞嚟既花茶，都只係放係枱面，

要自己倒的。

以呢個價錢，咁既食物質素來講，

係物非所值(純粹個人意見)。

嘆完下午茶出來，天色仍然未有好轉，

好像比之前更大霧，連個大笨鐘都睇唔清楚。

小瑞士花園又唔開，

那些甚麼落日步道、翠湖步道都行唔到，

唯有早些起程去廬山溫泉。

~ ~ ~ Index ~ ~ ~

上一篇 : Day 2.3 觀山牧區

下一篇 : Day 2.5 廬山溫泉