2014年10月25日 星期六

2014 北海道16天初秋自駕遊 Day 2.2 - 道の駅ハウスヤルビ奈井江、旭川


第一天到北海道其實冇乜行程,
只係去旭川過一晚,第二朝一早就上層雲峽。
由新千歲去旭川最快是行道央自動車道,
但係我地揀咗唔行高速公路,行車時間會多一小時。
今日午餐會喺上旭川途中嘅道の駅解決,
由於需要點時間熟習個GPS同路牌,
所以去到道の駅已經1點幾。

北海道地大物博,每個地方距離遠,
行車時間動輒雖要2-3小時,
所以計劃行程時已經預留時間在道の駅休息或食飯。
而今次旅程的第一個道の駅就係
道の駅ハウスヤルビ奈井江


泊好車先,架車好似泊前咗啲喎


間道の駅都幾大,門口隔離有麵包賣,
再行入去就係洗手間。


另一面有間唔知乜野工房,
最入面係餐廳。


入面竟然有間廣播室


FM77.8MHZ,真係有廣播員架


㩒飛買飯食先



食飽出返去行下先





原來隔離仲有間食堂


市場都有間,入去睇睇先


人都唔多個,都係賣的農產品,唔多啱


休息夠就繼續行程,天色越來越灰暗。
去到旭川第一時間去酒店check in先,
跟住就開車去旭川拉麵館。


去到拉麵館個天都黑齊了


附近都有啲商店


旭川拉麵村
(mapcode 79 410 455; tel 0166-48-2153)
久仰大名,第一次來拜訪


裡面竟然有間神社



除咗間神社,就係得呢碗麵,一眼見哂


揀咗食梅光軒,味噌味780,塩味730




食完麵四圍行,對面馬路有間舖好大間下,
裡面乜都有得賣,行咗一陣就走人。
返酒店前其實都有喺旭川駅附近兜左一陣,
不過同上次冬天來時一樣咁靜,
只係去咗Lawson買飲品跟住就返酒店。




~ ~ ~ Index ~ ~ ~

6 則留言:

  1. 呢個拉麵村好似簡單左D..?

    回覆刪除
    回覆
    1. 係呀,得幾間拉麵舖咋,不過附近都可以行下~

      刪除
  2. 呢個道の駅都幾堅喎 , 有食堂都係其次 , 居然有間廣播室 , 真係生平僅見 ,
    如果有帶收音機 , 可以較去 77.8 收聽 . (不過就唔知佢講乜唶)
    另外果間拉麵村 , 我上次搵唔到 , 今次當你幫我報左仇 . haha ...
    梅光軒 OK嘛 ? 我鍾意味噌湯底 . ^^
    今日既行程行車都用晒咁滯 , 夜媽媽 ~ 早D返酒店休息好過 .
    最後係你寫網誌速度奇高 , 咁快出左咁多篇 , 勁呀 . (我一日頂多出一篇咋)

    回覆刪除
    回覆
    1. 你自駕左咁多次都未去過呢個道の駅?
      間廣播室唔知堅定流架,不過見入面d人講到眉飛色舞XD
      就係見你搵唔到拉麵村,特登google行左轉,cap低個位置架XDD
      我覺得梅光軒湯底冇火頭山咁油,味噌湯底正架。
      第一次自駕,唔使咁搏,慢慢行適應下先嘛。
      今次寫網誌速度唔算高喇,同你調返轉,你一日一篇,我就星期六日先有時間寫。

      刪除
    2. 雖然我去過好幾次北海道 , 不過旭川都只係去過一次 .
      呢個道の駅有高速公路下面 , 近住 砂川SA ,
      就算再去多次 旭川 都唔會黎得到 . =_= !!

      刪除
    3. 原來係因為我唔行高速公路,所以先會經過呢度~

      刪除

多謝你的留言, 如果想以電郵通知我們的回覆, 請按「通知我」,我地會儘快回覆。