2014 北海道16天初秋自駕遊 Day 3.5 雙瀑台、大函、大雪ダム

睇完兩條瀑布，跟住就要去雙瀑台。

見到馬路對面有間店舖，

諗住一場嚟到，過去睇埋先啦。

原本想買雪糕，不過冇開到，

再行過些少，就見到雙瀑台入口。

睇google只知到雙瀑台喺附近，

但唔知正確位置，

如果冇行入嚟，可能會上車set mapcode，

個GPS唔知會點帶我地行呢╮(╯_╰)╭

過咗入口就見到上山路，

行行下見到木扶手上有條毛蟲。

行咗15分鐘有個展望台，

望到兩條瀑布。

當時唔知原來雙瀑台係要再向上走，

我地喺呢度影完相就行返落山，

冇繼續上去。

右邊流星の滝、左邊銀河の滝，中間就係不動岩

上返車繼續下一景點 - 大函

(mapcode 743 692 824)

舊大函隧道，出入口都已經封閉了。

據天書記述大函為連綿不斷的

風琴柱狀節理斷崖的終點。

至於係點樣形成，自己睇下面個牌啦。

六角岩柱

停車場得我地一部車，好孤單呢！

睇完開車走人，出到國道有工事要停車，

之後幾日都有遇到工事。

繼續向前行去到大雪湖 (mapcode 743 574 568)，

原本想去銀泉台 ，

但係入去銀泉台條路全條都係石仔路，

而GPS計算要駛成40分鐘，

條路咁凹凸不平，都係放棄算喇，

返轉頭去大雪湖睇大雪ダム。

個湖唔係好多水，風景都係一般

天色開始昏暗，都係早點去酒店浸返個溫泉嘆下先。

~ ~ ~ Index ~ ~ ~

上一篇 : Day 3.4 流星の滝、銀河の滝

下一篇 : Day 3.6 朝陽リゾートホテル