2014.9.26 (晴) 道の駅おんねゆ温泉→網走湖→
オホーツク流冰館→能取湖→能取岬→船長の家
食完早餐返上房執行李，跟住落去埋單。
(一向係日本住酒店或民宿都係check in時比埋錢，
但今次北海道之旅，除咗商務酒店之外，
全部都係check out先埋單。)
攪掂哂去攞車走人，層雲峽後會有期，
希望可以冬季再來睇冰瀑祭。
個多小時就駛到北見市，
藍天白雲，兩旁都係黃黃綠綠嘅樹，
少見高樓多見樹木，人都醒神啲 *^O^*
話咁快到咗道の駅おんねゆ温泉，
落車休息伸下腳都要啦。
呢度仲有水族館同温泉喎，
不過邊有時間睇同浸呀。
呢個叫「果夢林」時計塔，後面係果夢林の館
果夢林の館
左邊有間クラフト体験工房
仲有間果夢林ショップ，有手信同木刻工藝品
おんねゆ温泉「山の水族館」就喺果夢林の館隔離，
有料所以冇入去睇
からくりハト時計塔「果夢林」
時計塔入面都有木製擺設
附近仲有舖頭，有野食有手信賣，仲有雪糕。
離開道の駅行駛咗一陣，見有油站，
入返滿個油缸先。
第一次入油，入咗19L@166，盛惠3154yen。
入完油繼續向網走進發
睇map知道而家我地係沿住網走湖走，
見到有停車場，停低架車望下個網走湖先。
被樹檔住都睇得唔清楚，
一陣上天都山再睇過。
對面馬路就係一大片農地
繼續開車向天都山流冰館進發
~ ~ ~ Index ~ ~ ~
上一篇 : Day 3 朝陽リゾートホテル - 朝食
下一篇 : Day 4.2 オホーツク流冰館
這裡和冬天的淒美，有很大的分別。
回覆刪除冬季舖左白雪真係好靚，都想冬天再去道東，不過唔知排到幾時先去到。
刪除舖了白雪後，道道都會好靚，我好想看舖了白票的香港。
刪除可能得返一個人可以入閘? 票都唔使投, 又何來白票~
刪除2017普選投白票 ? 咁快就諗定 , 或者有高人參選呢 . (雖然機會唔大) XD
刪除高人.....高高在上個d人...
刪除唉...... 我打錯字，係白雪，另大家諗錯野，唔好意思。
刪除哦 ~ 原來如此 , 家陣香港人已經撕裂到裂無可裂 ,
刪除有乜風吹草動都如箭在弦 , 正式係杯弓蛇影 . haha ...
對與錯，無謂深究
刪除呢個道の駅都幾多野睇 , 貓頭鷹 & 時計塔都好有特色 . ^^
回覆刪除租車由機場去旭川 ~ 層雲峽 ~ 北見 ... 咁快就要入油 ? 都幾大食油下喎 .
網走湖我都去過一次 , 不過結晒冰 . ^^
天都山有冇入冰館 , 我都冇入咯 . =_= !!
呢個道の駅你有冇去過呀？
刪除記得好似仲有半缸，不過之後行程去能取湖同常呂町，好似都幾僻下，所以入定油先。
結哂冰既網走湖靚唔靚呀？
我有入冰館，下篇會有相睇^_^
北見 呢頭我好似未去過 , 所以應該未黎過呢個道の駅 .
刪除冰湖開頭見就覺得幾靚 , 之後睇得多 , 又有D荒蕪感 . XD
頭呢兩個道の駅你都未去過，之後個d你一定去過架XDD
刪除冰天雪地加埋冇人氣，係會覺得荒涼d架~
原來呢個叫 "道の駅おんねゆ温泉", 我係去層雲峽途經, 個"果夢林の館"當日好似閉館, 所以冇入到去.
回覆刪除去左幾個道の駅，呢個都算幾多野睇~
刪除天色唔錯喎, D相好靚呀~
回覆刪除呢日算係最好天~
刪除