2014.9.22 -23 (晴) 築地市場→東京駅→日本橋→上野→成田
再度凌晨機出發，晚上8點乘巴士去機場。
香港快運跟Peach都是在第二航廈辦理check in，
不過快運登機閘口在508號要再乘接駁車。
由於没有加錢劃位，所以早三個鐘到機場，
因此編排到較前的座位。
咁早到左閘口，唯有上網睇電視打發時間。
差不多夠鐘，機長及機組人員都在閘口等上機。
今次坐嘅係燒賣機，真係有燒賣食呀 (≧∇≦)，
點心拼盤盛惠$70，其他主餐就$40-$60。
仲有零食杯麵同飲品。
9月23日未夠5點羽田到著 (live blog)
過完海關攞埋行李，即刻去搵車搭。
搭Monorail喺呢度買飛。
我地搭京急要搭電梯落去。
京急羽田 ─> 京急品川 (410円)
Suica利用 (407円)
到咗品川，由於今晚會住成田，
將行李放上野會方便些，
所以第一站係坐JR去上野搵Locker。
品川 ─> 上野 (山手線 200円)
Suica利用 (194円)
攪掂行李就坐地鐵去築地
上野 ─> 築地 (日比谷線 170円)
Suica利用 (165円)
落咗車首先經過築地本願寺，
原來咁大間，不過冇入去。
行到築地場外市場，
醫咗肚先講，叫咗兩碗三色丼。
店員識講普通話，介紹咗三款唔同級數嘅三色丼，
我地要咗900円同1200円，
上面果碗係1200円，比較肥美些。
跟住就喺附近行下，點解條街咁少人架，
原來今日係日本假期，場內市場休市，
我都係出發前先知 (╯з╰)，
不過都照來行下食下野。
呢度好多人排隊，食乜呢？
原來係玉子燒 ，買咗一串試下 (100円)，
都係一般啫。
隔離街有燒蟹腳同帶子，
不過冇買嚟食。
喺另一條街買咗好肥美嘅生蠔，500円一隻。
休市中嘅場內市場，好靜，人影都冇隻。
兜咗一陣就去附近便利店買飲品，
跟住搭地鐵去下一站 ―― 皇居。
~ ~ ~ Index ~ ~ ~
下一篇 : Day 1.2 皇居外苑
嘩！真快手。我寫blog既速度真係同你無得比呀。
回覆刪除打鐵襯熱呀，唔快手d寫會唔記得架 >﹏<
刪除築地市場只食過一檔~~正好就是你食果間的左手面果間~不過我覺得普普通通~
回覆刪除我又唔鍾意排出名果幾間，咪見到邊間食邊間。
刪除me too, 你去北海道求奇一間都好食過築地吧
刪除又話 築地市場 會拆既 ? 係咪取消左 , 最好唔拆啦 . >_< !!
回覆刪除飛機上 Asahi $40 , 可樂 $25 , 都幾貴喎 .
係話會拆架，不過唔知幾時拆。
刪除LCC喎，梗係劏客啦。