夜晚去到羽田空港，瞓到4點起身check in。
兩件寄倉行李都冇超重。但當攪掂兩件行李後，
地勤姐姐就要磅我其中一件手提，
果件係一個中型size盒，
裡面有3個蜜瓜同兩個金桃，
共重7.1kg，多0.1kg。
(一早知手提行李減左3kg，
但係discuss有人話問過快運
之前買落機票既冇變，不過為免爭拗，
我都當得7kg算喇。)
跟住見佢攞過收費牌出嚟，
佢話一個人只有7kg手提，我除左個盒仲有背包，
咁我就同佢講我背包裡面只有相機同配件，
係唔計入手提重量。
跟住佢就搵左個可能係高級d既地勤過嚟睇，
呢個就話我個背包size大要計重量，
佢仲指住7kg重量限制個牌比我睇。
於是我就同佢理論，我話我係4月買機票，
果時係有10kg手提，
佢地改條款係我買機票之後，
理論上唔應該影響埋之前既客。
佢地見我都幾企硬就開始轉軚，
第二個地勤就問我地幾時入閘，
同埋可否唔再買野，我地梗係話唔買野啦，
咁佢就比我地走人。
攪掂行李就過海關，等到05:50準時登機，
06:20離開日本國土。
昨日在江之島又見唔到富士山，
今日在高空上終於見到了。
飛左4個幾鐘，09:40香港到著。
10:05等行李，等左幾個字都未見，
10:20見到status係全部送遞，有冇攪錯呀！
成條運輸帶上乜都冇，d行李去左邊?
等多一陣都未見，正想搵職員之際，
才見到珊珊來遲的行李。
第一次搭快運，對佢評價係正面的。
兩程機都準時，座位亦夠寬，
唯一扣分是手提只有7kg，
Jetstar內陸機都10kg啦，去日本呀，邊夠架！
下次可能快運入，其他廉航返，
或買多幾kg寄艙行李。
"只有相機同配件，係唔計入手提重量。"
回覆刪除無記錯，全部隨身都要計KG，最多兩件。
哈，原來可圈可點，“隨身物品”唔計，咁如果唔掂，大多將相機鏡頭全部掛上身。
刪除“每位旅客可攜帶一件手提行李（重量不可超過7公斤或15.4磅）及一件隨身物品（包括手袋、相機及個人電子儀器）登機，總體積不大於56x36x23厘米或22x14x9吋 （手提行李的輪子、把手和側袋等同樣計入尺寸內）。”
刪除我理解係重量唔計，只係計size。我背包係長身但唔厚，如果佢堅持收錢，我可以攞走相機，將另外一件只有幾盒手信既手提放埋入去個袋變同一件手提都唔過重。
已經唔記得邊度睇，“隨身”手袋物品，一般指可以塞係前座下的SIZE，例如腰包，細手袋之類。
刪除hkexpress賣平票收宣傳，依家開始要劏客了。XD
我都覺得佢地開始劏客，最唔合理係隨時改條款。
刪除其實手袋都可大可少，大起上嚟可以大過我背包:-D
刪除所以咪要塞得落前座下先算數。
刪除我個背包真係塞左落前座喎:-D
刪除唔通真係一分錢一分貨 ? 都係搭番ANA好D , 費時煩 . >_< !!
回覆刪除LCC始終賣點係用者自負，咁就造就好多人簡化行裝，搶平機票，一年飛五六轉。
刪除我都有諗過買ANA package架~
刪除コーさん: 行裝可以簡化，但買野冇得簡化XD
刪除咁要回程買最大30kg。XD
刪除同佢講數係用日文還是英文 ?
刪除用英文架，我都唔識講日文 -_-#
刪除"第二個地勤就問我地幾時入閘，同埋可否唔再買野" 呢句話, 上次坐 CX 返港時已經聽過, 佢就係話我地手提行李太多.
回覆刪除CX 應該冇咁嚴格, LCC 就預左喇, 係唔順佢減左3KG~
刪除我又係果D一早買左機票(改條款前)GE人~~已經預左到時又要嘈=__="
回覆刪除再遲d可能嘈都冇用 :|
刪除如果改條款後先買~都甘心啦~~不過之後如再買hkexpress~肯定最少要買20+25
刪除問題係我一早買左20，之後又冇得加重 -_-#
刪除