2015年4月2日星期四

2015 台北天燈宜蘭溫泉5天半自駕遊 - Day 4.3 金瓜石


東北角沿海岸其實有不少獨特地質景觀,
但礙於時間關係,未能欣賞地質之美。
從北部海濱公路轉上金水公路,
依GPS指示幾分鐘便到達金瓜石十三層遺址。
十三層遺址是昔日金瓜石一帶最大的選礦場所。
但眼前這幾座建築物怎樣看也不似是
依山而建的十三層遺址。
莫非還要往上駛,但見山上很濛,
而且又開始下雨,決定駛去黃金瀑布。








繼續上山,幾分鐘就到達黃金瀑布。
黃金瀑布的形成,是因為金瓜石充沛的雨水
經礦區表層裂隙滲入礦場,地下水滲經地層時,
與黃鐵礦及硫砷銅礦接觸,產生氧化還原及
鐵催化作用,形成酸礦水,
再因地勢落差而形成天然奇景。








黃金瀑布對面停車場可以看到一小角陰陽海。
陰陽海的形成是由於金瓜石地質
含有大量的黃鐵礦,經年累月形成不易溶於水
的三價鐵離子化合物(Fe3+),
流入海水中形成鐵離子懸浮物,
才會形成陰陽海的奇觀。可惜天色太昏暗,
又下著雨,只能看到很小部分。


離開黃金瀑布,原本是直上黃金博物館,
但到達黃金博物館時才知道沒有停車場,
當時又下著大雨,於是又要放棄,
直接駛上九份。
到了九份在馬路旁見到有收費停車位,
收150台幣一小時,真的很貴,
還要留下車匙給他們移車。
在九份買了不少手信零食後,
就去食牛肉麵及粉圓。






食完麵返回停車位,但原來架車被駛走了,
付了泊車費用後要等十多分鐘才有人把車駛回來。
見還有時間就決定去野柳地質公園。

~ ~ ~ Index ~ ~ ~

17 則留言:

  1. 泊車費咁貴仲要留匙?
    在任何地方包括香港,留匙,我就唔幫襯,因為我感覺危險。

    回覆刪除
    回覆
    1. 果日又多車又落大雨,見到停車場都唔諗咁多就泊入去。留車匙因為佢啲車泊得好密,出車一定要移車。不過冇諗過佢會將架車駛去其實地方。

      刪除
    2. 我怕有交通意外時,格上保險唔知包唔包。

      刪除
    3. 當時真係冇諗過。如果知佢會駛走架車就唔泊。

      刪除
    4. 在香港我都唔會留匙,我怕有人將一d非法物品臨時放左我車尾箱內就死火。

      刪除
    5. 係香港冇車,都諗到有呢d危險,下次一定記住。

      刪除
    6. 在外地就更加要小心,有乜事阻你幾日唔比出境仲麻煩。

      刪除
    7. 唔夠經驗, 多謝師公提點^^

      刪除
    8. 唔好講指教,我只係分享一下我既經驗咋。

      刪除
    9. 我地係自駕新手,係要有經驗網友提點架 XD

      刪除
    10. 最近有blog友同我講,在台灣比架機車撞左佢租既九座位,機車走左人,佢又無報警。要賠2萬幾台幣,最後講價到萬4台幣。

      刪除
    11. 點都要報警啦,返香港claim保險都去報警架。我好多年前係日本唔見野,都要搵警察備案,返嚟claim返晒。

      刪除
    12. 係喎,我都無問佢返香港有無claim 保險添。
      有交通意外唔報警最吃虧有可能係自己架。

      刪除
    13. 係喎, 師公想問下十三層遺址其實應該點去?

      刪除
    14. 1733兄, 又真係無諗過會被人將一d非法物品放上車喎, 喺日本都試過幾次要留匙,
      不過留匙呢家野, 我地都唔鍾意, 免得就免

      刪除
    15. 喺香港代客泊車同埋留匙一定唔會泊,我又係冇諗到會俾人擺野上車,反而係會諗俾人套匙,因為架車有泊車証,黎你度揸走架車輕而易舉,嗰時好多車就係咁俾人笠走。

      刪除
    16. 我最多都係諗到會被人笠走兩件行李 :P

      刪除

多謝你的留言, 如果想以電郵通知我們的回覆, 請按「通知我」,我地會儘快回覆。