2016年4月27日星期三

2016 道南8天自駕遊 Day 3.2 大湯沼展望台


食完豐富早餐,回房換衫及執行李。今早還要去多一個景點才離開登別。
再次步行上地獄谷,雪越落越大。

藍天不見了,早上沒有遊人,又凍又靜的地獄谷



昨天已經研究了去大湯沼路線。會先經過橙色的地獄谷遊步道,在分岔路口轉向左邊綠色的大湯沼遊步道(1),接著行紫色的大湯沼遊步道(2),全程都是20多分鐘,應該好輕鬆,但是……

分岔路口,向右走去藥師如來,我們向左走

越向上行越大雪






很快便到達大湯沼展望台


居高臨下看大湯沼,有些似台北地熱谷

下面有條車路,不過剛才經過停車場見到車路入口封了。



我們原本都打算步行落去,但小徑都舖了厚厚的雪,初時還可以拉著旁邊的繩慢慢行,轉了兩個彎,旁邊就沒有繩了。當時見到有對日本男女很快的跣著落斜路,但我們都不想冒險,決定終止走回頭。

再沿商店街走回酒店,路口轉右是返酒店方向,左轉是上熊牧場

密雲中有少許藍天

上面就是熊牧場

返回酒店check out,正式離開登別,向函館進發

8 則留言:

  1. 咦 ~ 落雪喎 , 夠晒詩意 , 話時話 ~ 雖然我今次叫做雪駕遊 ,
    不過真係遇到飄雪既日子真係唔多 , 頂多都係一兩次 ,
    仲要在車裡面 . =_= !!
    大湯沼落斜真係制唔過 , 跣住咁碌落終點就唔好啦 . haha ...
    居高臨下望落去都唔錯丫 . Yeah !!

    回覆刪除
    回覆
    1. 呢度都未算大雪, 喺大沼公園仲落得勁呀!
      我地去玩要以小心為上, 今次去唔到咪下次去囉, 不過我地都應該唔會再去=_=
      我最鍾意去埋D展望台居高臨下咁睇架:))

      刪除
  2. 好鍾意嗰種周圍凍冰冰,但有陣熱氣吹埋嚟嘅感覺。食隻温泉蛋更好。有無呢?

    回覆刪除
    回覆
    1. 個展望台蛋都冇隻,冇得食。我比較鍾意九州雲仙地獄,D熱氣吹埋嚟,好似蒸面咁,好鬼舒服架:))

      刪除
  3. 近排先追你地個blog, 真係好正~~
    想請問下,今次你地道南自駕,要唔要租雪軚呢?感謝回覆~

    回覆刪除
    回覆
    1. 多謝捧場!
      北海道冬季租車規定要雪軚,租車時包埋。

      刪除
    2. 感謝回覆~
      今晚繼續追blog~~ 好睇過延禧攻略 ^^

      刪除
    3. 太誇獎了~
      延禧攻略太好睇,我睇晒70集,都仲要追睇TVB,哈哈!

      刪除

多謝你的留言, 如果想以電郵通知我們的回覆, 請按「通知我」,我地會儘快回覆。