2016年5月4日星期三

2016 道南8天自駕遊 Day 4.3 北海道最南端-白神岬


白神岬 (MC 676 219 400)
繼續南下,十多分鐘就駛至白神岬。幸好雨停了,不用冒著風雨下車。之前在man wai處取經時,提到這裡很大風,要小心吹甩車門,所以落車時都小心翼翼,不過今日又不是很大風,只是有些凍。

前年初秋自駕遊去了最東端,最西端尾花岬(好像是沒有車路,所以放棄了)。今天到了最南端,有機會要完成最北端宗谷岬。

北緯41度23分,東經140度12分,北海道的最南端

一場來到,不會只是影個石碑就算,總要巡視周圍環境。跟據資料,天氣良好時可以遠眺青森縣竜飛岬,不過今天這樣的天氣……



白神岬位於松前半島,同時面向日本海及津輕海峽,是離本州最近的灣岬




密漁嚴禁是甚麼意思呢?是嚴禁捕魚嗎?右邊的告示牌,看圖識字,應該是叫人不要掉垃圾

白神岬遇著Honda Fit

松前城 (0139-42-2216; MC 862 058 253)
 從白神岬駛去松前城只需十幾分鐘,但天氣話變就變,到達松前城竟落起大雨。鏡頭前是雨點不是飄雪或發霉。由於落大雨天氣又凍,我們已沒心情入城,只在外圍影幾張相便離開。





下一站是去附近的道の駅北前船松前,道駅內有間北前食堂,網頁介紹的「松前大漁くん丼」及「海鮮桜華丼」頗吸引。可惜是去到才知今天休日。當時正是風雨交加,我們也不在附近找食店,直接駛回函館市區。


昨天晚上曾經到過幸運小丑漢堡,但巨型漢堡包售罄,今天就早些來看看。


幸運の鐘真是無處不在

一邊蕩鞦韆,一邊食漢堡包,一邊談心,是否很浪漫呢?

叫了兩份餐之後就後悔了,應該叫一份巨型漢堡包已足夠

巨型漢堡包送來時,店員會敲鐘,接著嘰嘰咕咕講了一輪

影完相開餐,好努力才能KO個巨包

下一站五稜郭

9 則留言:

  1. 呢篇白神岬&松前城好正呀 , 勾起我首次自駕遊既回憶 . ^_^ !!
    最西端既尾花岬冇車路 , 可惜 ~ 就算停部車在路上行入去 ,
    都要行到腳軟 , 值搏率太低 , 之但係宗谷岬就一定要去喇 ,
    果度係最接近俄羅斯 , 感覺好特別 , 最重要係有停車場擺車 .

    回覆刪除
    回覆
    1. 原來man wai第一次自駕就係玩呢條線^^
      宗谷岬一定要去,但又想夏季去,可惜夏季冇乜長假期,真係好難排去稚內-_-#

      刪除
  2. 夏天去最北端, 重頭戲當然係去食馬屎啦.

    密漁咪係叫你唔好咁頻密.

    回覆刪除
    回覆
    1. 就係要去食馬屎先諗住夏天去XD
      個牌上面唔係話採海胆鮑魚同唔知乜乜會罰咩?

      刪除
    2. 要 check 吓先知

      刪除
  3. 唔好話幸運の鐘,戀人の聖地都不少!

    回覆刪除
  4. 個巨型漢堡包幾錢? 我食完成日唔使食野

    回覆刪除
    回覆
    1. 未連稅1100yen
      所以的話後悔叫咗兩個包,果晚仲要係食自助餐=__=

      刪除

多謝你的留言, 如果想以電郵通知我們的回覆, 請按「通知我」,我地會儘快回覆。