2014 北海道16天初秋自駕遊 - Day 10.4 哲學の木、千代田の丘、三愛の丘、新栄の丘

完成所有農場之後，
跟住就係去山丘同超廣角之路。
今次唔係向北行，而係駛向東北方。
先會經過哲學の木，然後係千代田の丘，
再向西北行去埋三愛の丘同新栄の丘。

哲學の木 (mapcode 349 676 661)

去年哲學の木被當地農家畫上交叉，

原因是不遵守規矩的觀光客，

擅自踩入農地拍照，又亂動農具及留下垃圾，

令到當地農家不堪其擾，因此採取激烈手段抗議。

而家就用繩攔住，禁止侵入，只能離遠影相。

其實唔明點解啲人要走入去影相，

企喺樹底影一係見人唔見樹，一係見樹唔見人。

簡簡單單唔使落車，影兩張相就走得。

然後好快就到咗ファームズ千代田

泊低架車，就行上山丘，

經過牧場，有幾隻牛喺度食緊草。

啲牛塊面好怪，由眼黑到落個口度，

同平時見到啲牛唔多同，

喺佢網頁介紹叫ジャージー牛，

中文係針織衫牛，好奇怪嘅名。

行到死死下終於見到個見晴台，

不過今日天陰，鬼有"晴"見咩。

千代田の丘，塊版畫滿字同公仔

千代田の丘見晴らし台 

(mapcode 349 734 579)

上到去就係得呢座塔，

成支火箭咁，又幾型喎。

上到上面有個鈴，搖下先

果然好風景，雖然天陰，仍然望到好遠。

有山有田有草原，唔錯。

藍色頂果度就係牧場

呢邊就係剛才上嚟條路，

見唔見到有羣牛呀。

個台仲有好多小昆蟲

落返去再影多兩張相就去牧場

沿返條石仔路落去就係ふれあい牧場 

(mapcode 349 734 764; tel 0166-92-1718)

我地喺牧場見到嘅動物唔多，

有啲躲入屋仔，有啲就太遠，所以只影到少少。

うさぎ (兔子)

やぎ (山羊)

ダチョウ (駝鳥) 

睇完動物又喺餐廳借完廁所就開車走人。

下一站係距離十分鐘車程嘅三愛の丘。

三愛の丘展望公園 

(mapcode 349 792 476; tel 0166-92-4378)

個展望公園一眼見晒得個亭，

上到去個亭，都係望下山望下田，

呢幾日睇得太多，已經冇乜感覺。

不過呢度環境都幾舒服，又差唔多到開餐時間，

就係呢度嚟個郊外野餐啦。

昨晚喺酒店隔離間超市買咗沙律菜同蘋果，

加埋蟹肉，都好豐富美味架。

食完午餐開車去另一個山丘，

新栄の丘展望公園

(mapcode  349 790 525; tel 0166-92-4378)

新栄の丘有日本第一夕陽之稱，

原本安排黃昏才兜過嚟睇日落，

不過今日咁嘅天氣，都唔使望喇。

咁就順返條路線，上咗嚟先。

個草球咁頹架，仲要頭側嘴斜，

個樣好似好愁咁 (╯з╰)

另一個都唔好得幾多，

後面有大片青青草原都幫唔到佢加分。

冇夕陽睇，影埋舊石又走得

除咗牧場有多啲人，其他幾個地方都冇乜人氣，

跟著嚟緊行程應該會見到多啲人啩，

因為下一站就會去美瑛駅。

~ ~ ~ Index ~ ~ ~

上一篇 : Day 10.3 四季彩の丘

下一篇 : Day 10.5 美瑛駅、四季の塔、北西の丘、ぜるぶの丘、ケンとメリーの木