今天是大年初一，各團友吃過早餐後，到集合時間在大堂團拜。喜氣洋洋地接及派利是後，便出發去暢遊大堡礁。
原本是一個充滿期待的旅程，卻是最最失敗之旅。夢想的大堡礁畫面完全落空，全程在一艘近乎沒冷氣的遊艇內度過。只有約一小時的下水浮潛時間，海水混濁，只看到間中有幾條大魚游經身邊，潛到較底才見到看起來像枯萎了的硬珊瑚。我們完全不似去了澳洲，只像去了普通的船河。今天真是乘興而來，敗興而歸。
約一小時車程到達Port Douglas。團友浩浩蕩蕩步行往遊艇碼頭。
沿路風景頗美，各團友都是一邊行一邊拍照。
到達我們的遊艇，上艇要除鞋，在艇上禁止穿鞋。試想想在烈日當空被曬得熱辣辣的甲板上行走是甚麼滋味。
美女船長講解注意事項及教穿救生衣
船上安排了精美早點，味道很不錯的
美女船長開船英姿
各玩浮潛的團友要在甲板上曝曬等上岸
目的地就是對面的小島，一個最接近Port Douglas及是大堡礁群最邊邊的小島 - Low Island。
我們一行人就是在這小島浪費了一小時。我們不能帶相機或手機上島，導遊或船上職員亦沒有為我們拍下一張照片。不過就算有帶潛水相機亦沒有甚麼可影，因為海水很混濁，只能看到近距離游近身邊的魚。要潛到海底才看到海參、海葵及硬邦邦的珊瑚礁。
一小時很快便過去，由於午餐時間到，完了浮潛便怱怱返回船上，團友想繼續游水也不能。
船上的午餐明顯比昨夜的海鮮塔好得多。生蠔新鮮、蝦蟹及雞牛肉都非常美味，另外還有沙律。沒想過在遊艇上都可以有非常滿意的一餐。
吃過午餐，團友們在船上四圍拍照
看看我們(扮)駕駛的英姿
在海中看不到鯊魚，在船上卻看到了
回航時發覺船速很慢，原來是揚帆回航。既然還有時間，為何不讓我們下海暢泳呢！
船倉裡只有微弱冷氣，部分團友在船帆下陰涼的地方睡覺。無聊的我在看特別的雲。
返回碼頭，大小姐跟美女船長及船員拍照留念。去了等於沒去過的大堡礁之旅完結。
不滿的團友當然會質問導遊的安排。導遊的答辯是因為我們要包船，而包船就只會去Low Island。如果真的是這樣的話，作為專業的旅行社為何不在相討行程時向我們說明。長途跋涉去到大堡礁卻看不到大堡礁，這絕對是旅行社安排失當。我們找的可是自稱有30多年經驗，提供設計豪華優質遊覽行程的旅行社啊！
睇大堡礁一定要落水睇?
回覆刪除我去墾丁潛水，水好清，水底都多魚
唔一定要落水，正常會係坐遊艇再上大堡礁平台，基本上喺平台上已經可以睇到好多魚。游水既可以玩浮潛或潛水。唔落水可以坐玻璃船或半潛艇。睇人遊記喺水清同有好多魚。但我哋去嗰度只見到幾條魚咁大把。
刪除Low Isles 都係屬於 Great Barrier Reef, 佢無老點架喎...... 會唔會係旅行社 plan 嗰個自己都未去過, 只係接觸 Sailaway 就信晒人地公司講乜呀? 同埋啲水清唔清都要睇日子架喎......
回覆刪除https://youtu.be/LklSXx6Q4-I
其實我地喺附近都見到有海上平台，但佢地只係帶我們喺岸邊玩。如果佢帶我哋去深D地方玩或者坐玻璃船應該會好D。如果出深海都係濁就冇得怨，但係岸邊玩一粒鐘，仲連游水都冇就係人都嬲啦。如果一早講明冇得玩，我哋就改去黃金海岸啦。
刪除呢間旅行社都辦唔少澳洲團，個導遊話有十幾年經驗架。
咁佢地都好過份, 講明先我一向對旅行社無好感. 正常依啲係去全日, 在島上留 4hrs........
刪除依個所謂包船緊係香港式打卡呃人架啦......
我哋D時間就係浪費係等車度，架船已經專登慢駛，返到碼頭仲要等超過半個鐘架車先到。
刪除有時啲野, 如果個導遊做得好少少, 都唔會搞成咁.
刪除導遊/旅行社安排差嘅野陸續有嚟😣
刪除我二十年前跟團去時係坐船去睇阿靈頓礁，除咗浮潛仲有玻璃底船及半潛水艇玩，因為我去時係澳洲冬天，無玩浮潛，不過有自費坐直昇機從高空睇大堡礁，高處睇會好清楚睇到整片珊瑚礁群好震撼
回覆刪除就係睇過大堡礁遊記啲相好震撼，所以先至有期待，希望越大就失望越大。我哋連一張珊瑚礁相都冇，真係唔敢話比人知去過大堡礁😭
刪除嬲爆嘞。又叫咁渣嘅...
回覆刪除呢間旅行社，就算他日要跟團都唔會搵佢。
刪除在下3年前在Cairns又是由於有人安排失當(原因是貪平)
回覆刪除錯過了睇大堡礁的機會.
應該不會再有此機會.
我哋又唔會話冇機會再去，不過都可能要退休後了。
刪除