出發前大老爺同事跟領隊開會，講述有關前往阿聯酋旅遊的注意事項。包括在公眾地方不准吸煙，男女不能拖手及親咀。阿聯酋主要信仰伊斯蘭教，衣著方面都比較保守，雖然未至於要包到實，但不能穿著背心，女士裙或褲要及膝(可能對遊客較為寬鬆，有女同事8月去杜拜時穿短褲也沒問題)。領隊特別提到我們有兩個地方的衣著規定。首先是第一天參觀大清真寺，男士是長褲及有袖衫，女士要從頭包到腳，即是除了要包頭外，下身要覆蓋至腳踝，還要是鬆身衣服。另外是帆船酒店晚餐的dress code，男士是smart elegant ，女士是evening dress。結果要為以上衣著張羅，帶多了只穿一次的衣服，包括皮鞋及高跟鞋，佔據了一個中型行李箱。一切準備就緒等待年初一晚出發。
前兩年年初一都在外地，今年終於可以跟長輩拜年。晚上在登機口集齊團友後，趁其他乘客登機時，又來個團拜，登機口頓時熱鬧起來。
已經兩年沒有一家人外遊了，難得齊人，當然要影張打咭相。
阿聯酋航空座位比較闊，不過9小時的飛行時間，一樣坐到腰骨痛。
印象中是第一次坐空中巨無霸
經過越南、泰國，再橫越印度，直奔杜拜
消夜及早餐都不錯
大約當地時間6點到達杜拜國際機場
晨早的杜拜機場並不冷清。下機後需要走一大段路才到入境櫃台。入境櫃台大排長龍，職員們應該關係良好，一邊處理入境手續，一邊談笑風生。辦妥入境手續後，到達行李帶時，我們的行李已經集合齊了，整個過程接近一小時。
去程已經是4個行李箱
10天遊正式起行
杜拜機場隨影
一出機場便看到杜拜metro，往來機場及市區都很方便。
我們的行程是先到阿布達比，需要接近兩小時車程。沿途都是沙，果然是沙漠國家。
乘眼紅機出發，第一站是去吃早餐，這樣的安排還是第一次呢！
當地導遊在旅遊車上千叮萬囑有關拍照的注意事項。第一不能正面拍攝阿拉伯女性，第二不能拍攝任何外國領事館，第三是不能拍攝政府車輛，例如警車、消防車等。因此頭幾天我也不敢隨意拍照。
Breakfast@The Meydan Hotel
連吃早餐也在5星級酒店
酒店外面是馬場。阿聯酋是禁賭的，賽馬純粹是比賽，不能賭博。
正好有幾匹馬在晨操
嘆完豐富早餐，馬上起程。
咩都唔得，咩都唔比，好似去北韓咁...
回覆刪除係公眾地方啫。其實又唔係講得咁嚴，我都見有包頭女人住男人手🤭
刪除杜拜機場越夜越多人，上次我坐半夜3點幾機都不知幾多人來來往往
回覆刪除嗰次又係一落機就去酒店食早餐，可能杜拜團嗰行程係咁卦，今次我去土耳其又係落機先去食早餐
我記得大清真寺內有提供阿拉伯女士嘅服裝，唔需要特別準備
唔知你哋响帆船酒店食咩晚餐，可能係好高級，我上次食Dinner Buffet無話有dress code
我2011年去時無咁多規條，印象中都係著一般旅行裝束
好多歐洲航線都係喺杜拜轉機，所以半夜熱鬧，一d都唔出奇。
刪除作為領隊/導遊係有責任提醒團友注意事項，佢唔講清楚，到時出事，佢哋就瀨野。實際上我又唔覺得係咁嚴格。
去大清真寺，我同阿女就帶咗scarf，反正去帆船酒店都可以用。衫就著風褸同鬆身長褲。
帆船酒店嗰餐係法國餐，唔可以著牛仔褲波鞋。所以男既要帶多件恤衫西褲同皮鞋，女既就帶連身裙同有踭鞋。
杜拜機場真係超浮誇，嗰棵金棕櫚樹我都有影！有無買佢啲dates？ 好好食🤤
回覆刪除其實我好想落去棵樹度，可惜冇時間😆
刪除dates梗係要買啦