2014 北海道16天初秋自駕遊 Day 1.2 - 皇居外苑

去了東京多次都未去過皇居，就將佢加入行程，
原本諗住申請入內廳參觀 (皇居內廳參觀預約)，
預約要一個月前辦理，到8月23日準備預約時，
發現今日不開放，原來今日是日本假期-秋分節，
是緬懷祖先，也是天皇秋季祭祖日。
入唔到內宮，就只好喺外苑行下啦。

築地 ─> 日比谷 (日比谷線 170円)

Suica利用 (165円)

出咗地鐵，先遊二重橋同皇居外苑，
之後轉去和田倉噴水公園再行過去東京駅。

(皇居外苑地圖)

日比谷濠

首先去睇楠正成像，呢個古人係鎌倉時代未期人，

維基有詳細介紹，不過太詳細到我冇心機睇 -_-#

楠正成像

想影正面，但係背光到影唔到，
唯有影多張背面。

 

皇居前広場好大，行到腳都軟。

呢棵樹好有型呀！

過咗広場後要行一段石仔路先去到二重橋，

橋下面係二重橋濠。

二重橋

二重橋兩個拱橋加倒影，似唔似眼鏡呢 :)

重門深鎖

二皇橋嘅另一邊

內廳唔開放，睇完二重橋之後就過去東御苑。

經過桔梗濠

巽櫓

巽櫓及桔梗濠

行行下見到宮城県地磚

仲有秋田、山形同褔島，咁盛岡同青森呢？

可能行過咗冇留意到，唔行返轉頭搵喇。

行到腳都跛先到大手門，

裡面應該就係皇居東御苑。

要入園票，不過係無料。

行咗一陣，好似唔多啱睇，

又鬼咁曬，都係出返去搵個休息室抖抖先。

休息室裡面有天皇嘅片睇，

仲有d資料攞， 隔離有洗手間。

抖夠去埋洗手間就離開皇居。

行過對面馬路，再行冇幾遠就係和田倉噴水公園

影咗幾張相d水就停咗，咁就出發下一站 -- 東京駅。

~ ~ ~ Index ~ ~ ~

上一篇 : Day 1.1 羽田到著、築地市場

下一篇 : Day 1.3 東京駅