日本橋又係第一次去，原先冇plan呢度，
但出發前一個月先知今日係日本假期，
冇得參觀皇居內廳，咁就空咗啲時間出嚟。
唔想去新宿行公司，
又係咁啱見到blog友遊日本橋，
就加埋落行程度 (￣∇￣)。
大約行十幾分鐘就到日本橋
日本橋原來係日本國重要文化財，真係失覺哂！
跟日本其他城市的距離里程標。
明天就北上札幌，原來距離1156粁。
粁 = 千米 (又係睇blog先知道)
行完日本橋已經中午，去上野食午餐及買手信。
三越前 ─> 上野 (銀座線 170円)
Suica利用 (165円)
亞美橫丁，每次到東京都會嚟，
仲要每次都係咁多人。
喺呢間舖仔食刺身丼，要等位架。
兩個丼，分別900/700円
食完午餐，逛咗一陣街，唔想攞住手信周圍行，
所以先去上野公園hea下，返轉頭先去二木之果子買野。
可能搭完凌晨機有啲攰，
喺公園搵張凳坐低休息同食生果，
抖到夠就去買手信同埋買定今晚晚餐。
5點左右去返上野駅攞行李，
我地啲行李原來放咗喺駅內locker，
幸好車站職員讓我們入去攞行李，
唔使再買車票。
跟住就過隔離嘅京成上野駅，
坐17：54京成本線去成田空港
轉東橫Inn無料送迎車返酒店。
京成上野 ─> 成田空港 (京成本線 1030円)
Suica利用 (1025円)
今晚的第二份晚餐(第一份晚餐喺酒店篇會提到)，
在上野百貨公司超市買的牛舌及牛肉，
又買了飲品及調味料，
還買了一包菜加蘋果做了沙律。
食飽飽都係香港時間9點幾，上網睇下電視劇，
睇完兩套劇已經是11點半了，真係要瞓喇。
~ ~ ~ Index ~ ~ ~
下一篇 : Day 1.5 -東橫Inn成田空港
大藥坊 ? 咁都得 ? 果然係身在日本心在港 . haha ...
回覆刪除明日上 札幌 ? 在 東京 咪好小時間 .
夜晚冇街行，又好少睇日本電視，咪上網睇返香港電視劇囉，仲睇埋使徒行者添:-D
刪除東京淨係留頭尾兩日，其實都唔會特登去東京，通常都係中轉站。
日本橋，好想去，尤其小肥介紹過的月光超人。
刪除月光超人……唔識佢喎，乜水嚟架
刪除