2014 北海道16天初秋自駕遊 - Day 8.2 釧路濕原駅、細岡駅、達古武湖、サルボ展望台

睇完濕原，接下來係去釧路濕原駅，

行返上停車場，唔使開車去，

只要跟著指示牌方向行，

沿著條小路行一陣就到。

有班小學生，唔通係修學旅行？

釧路濕原駅，成間木屋咁，

不過係好靚嘅木屋。

裡面一眼見晒，有個火車時刻表，

側門出去就係月台。

月台冇人，因為未夠鐘有車

行返出嚟影下相先，呢度好多蚊，

俾蚊針咗幾啖，攪到隻腳抓損咗，

浸溫泉時淥到隻腳好痛 -_-#

隔離有間小木屋，好似係洗手間，不過使用停止。

下一班火車喺釧路行，已經有乘客等車了。

原本9:48有火車到站，

但出名準時嘅火車，9:56才抵達。

跟住就要去相距5分鐘車程嘅細岡駅，

離開時再次經過鐵路軌。

細岡駅又係無人駅，比釧路濕原駅仲要細

揸咗幾日架車好污糟，司機都頂唔住要洗車

攪掂架車又開車，睇完車站就輪到睇湖。

從細岡駅開車去塘路湖會經過達古武湖。

當車經過湖邊時，被達古武湖景吸引咗，

於是搵個位停車欣賞咁靚嘅湖泊。

好清澈嘅湖，加上白雲倒影，一個字靚 (≧∇≦)

呢幾日睇過幾個湖，覺得呢個湖最靚，

可能今日天氣好，心情靚，睇乜都靚。

有條步道，唔知可唔可以繞湖一圈呢，

有時間行下都唔錯。

對面岸邊有幾間屋，太遠睇唔到係乜東東。

欣賞完畢，開車去展望台。

サルボ展望台入口距離停車位置頗遠，

初時都唔知點行，後來有位大叔踩單車經過，

見我地望望下，就帶我地行。

係停車位置右邊沿著馬路行幾分鐘，

有個唔太顯眼嘅上山路口，

當時掛住跟住個大叔唔記得影相。

上山後有兩個展望台，

近嘅就係サルボ展望台(都要行半個鐘)，

遠嘅係薩摩爾展望台（サルボてんぼうだい）。

高處俯瞰塘路湖，塘路湖係濕原裡最大的湖泊。

塘路湖隔離仲有個湖，呢度都可以叫做雙湖台 :))

釧路濕原嘅行程完畢，跟著就係返釧路食午餐。

午餐當然係食釧路名物勝手丼。

~ ~ ~ Index ~ ~ ~

上一篇 : Day 8.1 細岡展望台

下一篇 : Day 8.3 和商市場