2014 北海道16天初秋自駕遊 - Day 10.6 星の庵

星の庵 (民宿篇三)

さくらんぼ 1泊2食; 8925yen x 2。

由Ken and Mary之木到民宿其實不用十分鐘，
但除了在公路轉上小路時有一個路牌指示之外，
一路駛上去再沒有指示牌。
駛過了GPS顯示的目的地，但始終找不到。
調頭慢駛都是找不到。
一直駛回大路，確定路牌指示方向無錯，
再次龜速駛上小路，沿路留意所有建築物。
幸好之前有影低民宿外觀，
今次終於在遠處看到農地上有微弱燈光，
再仔細看清楚燈光是來自一間平房屋，
憑屋的外型確定就是星の庵。
興幸我們提早趁天未黑就來民宿，
如果晚一些天黑了可能就找不到了。

民宿玄關，客人要在這裡換上拖鞋。
左邊是大門，火爐旁的門是工作室。

客房在二樓，民宿主人讓我們先上房。

民宿幫工把行李轆清潔乾淨，

才送上房間，免得弄污糟地板。

我地間房係上左樓梯轉彎直行第一間

さくらんぼ 櫻桃，就係呢間喇，

入去參觀下先。

間房好細，兩張床一左一右，

中間只有好少活動空間。

兩件行李不能同時打開，

左邊有個陽台，明天早上才記得影相。

電視機上有衣架。

牆上的小擺設及畫

房間外右邊係交誼廳

書架旁邊係浴室，由於樓下有大風呂，

我地沒有用樓上的浴室。

浴室外是洗面盆，左邊是廁所。

參觀完樓上，到樓下看看。

樓下有兩個洗面盆，再入去是洗手間。

洗衣機無料，但乾衣機有料。

玄關左邊有通道往飯廳，

放了一張十人餐枱同一張4人餐枱。

民宿女主人在忙緊晚餐，

廚房左邊通道就是通往玄關。

廚房右邊的小閣落有咖啡、茶及糖果供應。

飯廳旁邊還有個客廳

趁天還未黑齊出外面看看

風呂要排隊，我們選擇飯前使用。

幾天積下來的衫也在食晚飯前拿去洗。

約好7點45食晚餐，當所有客人就坐後，

民宿女主人就講咗一大輪野，

我諗係介紹食材啩。

今日有9位客人，除了我兩個全是日本人。

兩位民宿幫工會跟客人同枱食飯，

一邊食一邊傾談，我地兩個變成局外人，

唯有專注食飯。

一張長枱分三組，每款菜有三碟，

我們跟另外兩位客人一組。

野菜每人一碟，食材新鮮，灑少許塩就食得。

好難想像可以喺日本食釀青椒，

味道當然係自己煮嘅好食啲啦。

已經唔記得味道如何

炆蘿蔔薯仔

焗南瓜蓉好美味

最後甜品喺栗子燉蛋。

食到七七八八時，民宿男主人出現，

佢又係講咗一輪野，見佢一邊講一邊鞠躬，

咁我估佢係講多謝我地光臨之類啦。

之後佢坐喺我地隔離嘗試用簡單英文同我地交談，

佢問我地明天會去邊，即時俾佢考起，

因為唔知旭川點講，我就用手機寫字俾佢睇。

可能覺得溝通唔道，佢跟住就轉同另一組交談。

我地食完飯亦回房休息了。

第二朝一早起身見到落雨，再check天氣，

知道下一目的地旭岳天氣亦很差。

商量過後決定放棄上旭岳，

咁原本去完旭岳會係旭川住，

但如果改行程又不想去旭川。

於是check下東橫Inn札幌會唔會有房，

札幌北口、西北口同南口都沒房了，

見東橫Inn札幌すすきの南仲有房，

便即時取消東橫Inn旭川及重新訂房

(東橫Inn最後取消訂房是當日下午4點前)。

攪掂之後便出陽台影下相，昨晚下了整晚雨。

我們這房間是最佳觀看日出的，

可惜時不與我，始終無緣看到日出。

差不多夠鐘食早餐，梳洗後便落去。

外面還下著毛毛雨。

其他客人還未現身

民宿有提供望遠鏡，如果天氣好可以觀星，

另外仲有幾副老花眼鏡，很貼身啊。

早餐有牛乳、紅茶及咖啡

有份報紙，又有香港新聞

客人陸續到來，人齊食得喇

好簡單的早餐，煎蛋一隻，魚一條加菜

乳酪一杯

味噌湯同飯各一碗

食完早餐出屋外看看

民宿正門入口

後園有狗屋一間，昨天到來時見到有隻大狗，

今朝又不見了。

又開始落大雨，即刻走返入屋

回房執拾行李便離開，

開車時民宿男主人出來歡送我們。

~ ~ ~ Index ~ ~ ~

上一篇 : Day 10.5 美瑛駅、四季の塔、北西の丘、ぜるぶの丘、ケンとメリーの木

下一篇 : Day 11.1 マイルドセブンの丘、親子の木、セブンスターの木、聖誕樹の木