2014.10.5 (晴) 積丹中村屋→島武意海岸
→神威岬→山本觀光果樹園→藻岩山→東横INN札幌駅北口
昨日喺小樽開車時間很少，全日只開了48公里。
前兩天都落雨，好擔心會影響今日行程。
今日行程亦係呢次旅程重點，
如果落大雨就要放棄，幸好昨日近黃昏開始轉晴。
今朝一早起身就見到藍天白雲，真係開心到彈起。
由於預算去積丹食海胆，所以只訂素泊。
喺酒店check out後便直接駛去積丹。
沿著海岸線行駛，岸邊都是奇岩怪石。
途中經過古平町，
見到個木碑寫住"たらつり節"發祥之地。
有冇人知道係乜東東。
駛到呢個位終於忍唔住要停車影相。
岸邊呢舊大石側面睇好似人頭。
去程路上一邊欣賞海岸風景，一邊影相。
回程時我倆卻在又長又直的隧道上幾乎睡著了，
慶幸司機在電光火石間清醒過來，
否則後果不堪設想。
今早鎖定目標去中村屋食海鮮丼，
見到呢個牌就知到咗喇，司機唔該轉右吖
中村屋 (積丹郡積丹町日司町50-1)
(mapcode 932 686 246; tel 0135-45-6500)
一入門口就見到張Menu。
1日限定只賣10食嘅馬糞海胆
同紫海胆都已過時，冇得食了。
過了玄關就見到廚房，可能時間尚早，
還未有其他客人。
我地唔想坐榻榻米，
店員就安排有坐椅的枱俾我地。
冇二色丼食，我地就揀咗碗大漁丼2650yen，
好新鮮好好味
另外又要了鮑魚刺身1600yen，
第一次食鮑魚刺身，肉質有些硬又冇乜味，
都係熟嘅鮑魚好味啲，不過試一次都無防。
早餐大合照
食完呢餐對我地嚟講係超豪嘅早餐之後，
就開始積丹海岸之旅。
~ ~ ~ Index ~ ~ ~
上一篇 : Day 12.5 小樽グリーンホテル
下一篇 : Day 13.2 島武意海岸
見到天氣轉晴 , 我都好高興 , 因為又有靚相睇 ,
回覆刪除呢邊好多奇岩怪石 , 加埋海景 , 好似返到主場咁 , 齋睇都興奮 .
果度有好多隧道 , 又暗又窄 , 真係要小心楂車呀 . ^^
舊石真係似人面剪影喎 . 中村屋個朵好行 , 上次我都有幫襯 ,
叫左個海膽丼定食 , 好正 . 坐榻榻米都幾好丫 , 入鄉隨俗嘛 .
係呀！天氣好，d相都醒神d架 ^_-
刪除行海岸線直情開正你果瓣
揸揸下車恰著咗幾鬼驚險呀～
老人家坐唔到榻榻米呀>_<
呢條線想行好耐，真係要揾日搞搞佢 XD
回覆刪除呢條線都幾多野睇，一於搵日攪下佢啦XD
刪除海胆係米冬天先最多有得食﹖
回覆刪除唔係架，海胆當造係6-8月，夏天去就剛剛好喇。
刪除