2014 北海道16天初秋自駕遊 - Day 9.7 SPA＆HOTELRESORTふらのラテール

今晚原本想訂民宿，但最終住返酒店 (民宿變酒店二)
"SPA＆HOTEL RESORTふらのラテール"

酒店係位於中富良野，去青池時已經過。
我地訂嘅plan叫 "星を見にいらっしゃいませんか？"
一泊二食17000yen扣埋Jalan point 2200yen，
即係14800yen，簡直係超值價錢。
間房有閣樓，樓下係廳，閣樓係睡房，
係日本未試過呢種房間。

酒店外型都幾靚，中間係溫泉万華の湯入口，
客房有特別通道過去。

右邊係酒店大堂入口

酒店旁邊有間雪糕店ポプラファーム，

我地來到時剛好5點，已經關門了。

諗住冇機會食, 點知人算不如天算，

兩日後竟然會重臨.....

去酒店前枱辦check in手續，

房間在二樓，右邊有電梯，不用行樓梯。

前枱連著溫泉万華の湯

再行過啲有間花畑牧場

睇返間房先，有沙發，有茶几，

不過部電視擺側邊點睇呀！

電視機旁邊就係上閣樓嘅樓梯

一齊上去參觀下啦

閣樓好簡單，有兩張床，

床側邊有櫃，不過冇影到。

天花頂有個窗，咁細個窗都唔方有野睇

喺閣樓望返落去

落返樓下繼續睇埋其他地方，

有雪櫃仲有放濕機。

雪櫃對面係梳洗地方

Lotion, skin milk, tonic...樣樣齊

最後係洗手間

酒店隔離有間大型超市Bestom，

食完晚餐過去行咗一陣。

間超市好大間，衣食住行樣樣齊，

連五金都有，真係乜都有得賣。

係100円店買咗少少日用品，

行到夠鐘關門先走人。

第二朝早食完早餐返房執野走人，

臨走再影多幾張相。

窗外望到十勝岳連峰，同溫泉個景觀一樣

酒店前嘅超大停車場，連埋隔離超市，

真係差唔多有五個足球場咁大。

對面係機舖

停車場直行就係超市

另一邊有油站

呢間酒店性價比高，值得推荐。

將來有機會再來富良野都會翻兜。

~ ~ ~ Index ~ ~ ~

上一篇 : Day 9.6 青い池、白ひげの滝、上富良野駅

下一篇 : Day 9.8 SPA＆HOTELRESORTふらのラテール-溫泉篇