2014 北海道16天初秋自駕遊 - Day 12.4 天狗山ロープウェイ、夜@小樽運河

今日斷斷續續落雨，攪到冇乜心機行街。

原定今晚上天狗山都可能要取消，

最驚連明天去積丹嘅行程都影響埋。

喺酒店休息咗一陣，望出窗外，

見個天好似光番啲。

再睇另一邊，雖然有舊厚雲，
但烏雲後面卻是藍天白雲。
決定博一博，照原定行程出發去天狗山。

唔知道可否直接揸車上山頂，

只好揸到去天狗山纜車站。

小樽天狗山ロープウェイ

入去買飛先，裡面得一個人買飛，

唔緊要啦，人少啲咪仲好。

我地買咗個combo ticket 1240yen/人，

Gondola and Drink Combo ticket 

包往復纜車同一杯420yen飲品。

纜車線路長735m，速度3.6 m/s，

計起上嚟即係3分幾鐘已經上到山頂。

每隔12分鐘一班車都算幾密

上山時天還未完全黑，

藍調下的小樽都幾靚。

上到展望台勁大風，所以大部份相都好震。
又大風又凍，我地已經著咗厚羽絨，
但都吹到手疆。影咗一陣頂唔住要撤退。

餐廳喺下一層，入去飲番杯野先。

兩杯咖啡補差價340yen

我地揀咗窗邊位，可以欣賞到夜景。
放部相機喺枱面，唔用腳架曝光影，
效果仲好過喺展望台影。

飲完野出外面行下，天黑唔去神社喇，

淨係影咗個亭就搭番纜車落山。

駛去小樽運河，今次又係泊對面停車場。
晚間溫度13.8度，比早上低兩度，
但冇落雨反而冇咁凍。

夜晚嘅小樽好寧靜好靚，
喺河堤邊慢步拍拖，真係幾浪漫架。

行落去近啲再影過

倉庫個倒影幾清喎

再來一張，影完又走得。

今日雖然落左大半日雨，但到黃昏時又好天番，
個天都算待我不薄，可以俾我影埋北海道
三大夜景之一嘅天狗山夜景。

~ ~ ~ Index ~ ~ ~

上一篇 : Day 12.3 小樽閒逛

下一篇 : Day 12.5 小樽グリーンホテル