酒店停車場就喺大堂入口前面，
啲車泊到咁密點出車呀？
唔使擔心，因為有專人幫你駛架車出嚟。
離酒店冇幾遠有間長崎屋
轉右再直行兩個街口就係小樽駅，
都算幾方便啦。
酒店大堂前台，話說我喺Jalan訂房後，
酒店send咗封英文confirmation email俾我，
咁我咪以為呢間酒店可以用英文溝通。
點知我地中午嚟停低架車時，
前台果兩位亞姐連一句英文都唔識。
初時佢俾form我登記都冇問題，
因為都填慣填熟，但當我話有車時，
佢就講咗一輪野，亞姐，我都話咗係外國人，
鬼識聽你講乜咩！佢諗咗一陣，
就喺部電腦度用google translate翻譯俾我睇。
雖然翻譯到不倫不類，不過大概都估度佢想講乜。
原來佢想問我泊低架車後仲用唔用架車，
初時我唔明點解會咁問，
因為來到時停車場只得兩三部車，
但都話俾佢知夜晚會開車
(唔係講，係响紙度寫晚間用)。
最後比埋錢，擺低車匙去食飯。
後來再用車才理解佢個問題，
因為停車場泊三行車，如果唔再用車嘅客人，
佢地就將果部車泊最入，
我地因為會出車，就泊最出方便開車。
間房好細好窄，不過都勉強開到行李
冇衣櫃，得衣架，連浴巾都放埋喺衣架下面
由於窗台用埋嚟做書枱，將凳放咗喺床邊，
個雪柜要打橫放，如果打開行李就會擋住雪柜。
倒模式洗手間
酒店有無料牛奶，每人一樽，
細細支都幾好味。
由於昨晚剩咗好多菜，另外仲有生果，
仲有兩晚就離開札幌，唔想帶咁多野落東京，
所以今晚就去長崎屋超市買少少肉，
儘量食清晒啲野。
早上起身第一時間望出窗外，見到個天咁靚，
即刻彈起身執行李去積丹食早餐。
~ ~ ~ Index ~ ~ ~
下一篇 : Day 13.1 積丹中村屋
小樽地方寸金尺土 , 停車場用到盡 , 果然高招 . ^_^ !!
回覆刪除有你呢個經驗 , 第日遇到咁既情況都知佢up乜 . XD
今次呢間房算唔算全程最細間 ? 不過咁既價位都算係咁 .
又打邊爐 , 正丫 ~ 啤啤佢咯 .
呢款停車場都係第一次見。呢間房係全程最細間，不過唔係最平，小樽d房價唔平易，呢間算ok啦。
刪除係呀又打邊爐，我地都好少飲啤酒，淨係飲梅酒XD
另外想問係咪即係Check in 後交低車匙俾佢 , 等走果陣再問佢拎番 ?
回覆刪除因為有次在 函館 都係咁既情況 . @_@ !!
係呀，每次擺低架車都要交低車匙俾佢，要開車問佢攞就得喇。
刪除呢間停車場算ok啦，
回覆刪除我試過住札幌大倉，要泊契約駐車場, 唔方便兼要留匙比街外人，真係唔想泊呀!!
留車匙俾街外人就真係唔多想喇，以後book酒店都要睇清楚係咩停車場先得><
刪除所以依家book酒店前我都會睇得好仔細
刪除如果要泊契約駐車場, 我就一定唔考慮啦 XD
乜野叫做 泊契約駐車場 ? 係咪即係門口代客泊車 , 求其幾條爛仔嚮度 .
刪除應該係酒店本身冇停車場或者full左，將客人架車轉泊附近特約停車場。
刪除我就覺得如果好似台灣果d唔使交車匙都冇問題既。
刪除Maggie 解釋得好詳盡 , ^^
刪除唔使交車匙我都OK
生牛肉刺生? 定自備 gas 爐?
回覆刪除電拖板都好似自備喎 :D
刪除唔係生食，我地帶咗個旅行萬用鍋去。
刪除又相機又手機，帶電拖板先夠用呀。