出發前已經在Google尋找過眼鏡鏡兩旁街道的駐車場。到達後在橫街找到了這個小型駐車場的最後一個車位，又是鎖轆式車位。前面有個轉盤，可改變車方向方便泊車，40分鐘100yen。
眼鏡橋 (MC 44 270 236 *20)
泊好車行出大街就望見眼鏡橋，不過這邊背光，睇唔到副眼鏡
行到前面先落河
又真係幾似眼鏡喎，一於影多幾張相
記得網上見過眼鏡橋有塊心形石，於是在地上周圍尋找，找了幾塊都不太似。於是立即上網搜尋，原來心形石是在石牆上，不是在地上
正想周圍望之際，就見到河對面有幾個姐姐對著幅牆拍照。再望真些，大大個心形石就在眼前。其實唔止心形石，石牆上還有I ♡ U。I 字就在左邊姐姐頭對上的長方形石。♡ 唔使講啦。U 係相中左下方的兩塊長方形。
見到心形石下面的錢，又令我想起今早錨錢的強人，心諗在這裡要拿走錢更容易。
為方便其他人尋找心形石，故拍下這張相，相中幾個人站立地正是心形石的位置
逗留了大約30分鐘便離開去下一站，經過市中心見到長崎市電。今次自駕遊冇機會坐市內交通，下次再來或者安排坐下。
呢條眼鏡橋 , 在 Mandy姐 度睇過 , 呢度睇又另一番風味 . ^^
回覆刪除下面好多錦鯉呀 , 在香港肯定渣都冇 .
心形石係人為定天然架 ? 如果係人為 , 諗出黎果位仁兄都幾有諗頭喎 .
若然係天然 , 更加係鬼斧神功 , 不可思議 .
i & 心形比較清楚 , 至於Y就比較抽象 .
香港啲廟宇都仲有錦鯉。
刪除塊石肯定係人造啦，Y字係要啲想像力架XD