2014 北海道16天初秋自駕遊 - Day 7.9 コンフォートホテル釧路

釧路酒店揀左好多間(酒店篇)，

最後揀咗コンフォートホテル釧路
 (Comfort Hotel)，

禁煙ダブルエコノミー，6800円泊車520円，
早餐無料。

酒店好近釧路駅，

前面正中間就係，唔自駕揀呢間都好方便。

大堂都算大，左邊餐廳，右邊電梯，

電梯前面有電腦及打印機。

一層16間房，走廊都幾光猛

一般商務間隔，走廊可以放到行李

床尾都可以放到行李

剛剛睇緊直播新聞，播緊雨傘革命，場面好墟冚

早上望出窗外，下面就係北大通，

右邊有間Super Hotel。

7點鐘起身落去食早餐，

見唔多人影下相先。

由於有獨立用餐地方，坐得舒服啲，

一般東橫Inn都是在大堂食早餐，通常都好迫。

食物排列得好整齊

由左邊起有法式濃湯、味噌湯

有兒童椅，方便小朋友

跟著係西班牙庵列、德國薯仔

見冇人就打開嚟影

再過去有乳酪、芒果、香蕉

胡麻沙律、野菜沙律

粟米片、鮮奶

左邊有四款麵包，牛油果醬大量；

中間格仔餅，有朱古力醬同糖漿；

右邊有四種飯團。

估唔到喺東橫Inn冇飯團，嚟到呢度反而有飯團。

最後係飲料區，有橙汁、烏龍茶、咖啡、水

介紹完開餐喇，一向喜歡西式早餐

食到7點7，飽飽要走人喇

架車向入面因為係昨晚泊車時影的。

呢度泊車有人幫手，司機只係負責泊架車入去。

今朝攞車只需俾張飛個亞叔就得喇，

唔使自已動手。

車到，司機上車駛架車出嚟

要停喺個圓圈入面

跟住個圓圈會轉方向，將車頭轉向街

放返行李上車就可以開車，

亞叔仲好有禮貌歡送我地架車。

上返車就開始今日行程第一站

―― 釧路濕原細岡展望台

~ ~ ~ Index ~ ~ ~

上一篇 : Day 7.8 道の駅厚岸グルメパーク、岸壁炉ばた、幣舞橋

下一篇 : Day 8.1 細岡展望台