2014 北海道16天初秋自駕遊 - Day 6.2 藻琴山展望駐車公園、硫磺山

離開知床半島，向道東三湖進發，

首先會去藻琴山展望駐車公園。

前面舊雲好似座雪山

呢座就係硫磺山，而家未去住，

下一站先去。

駛到上去藻琴山展望駐車公園
(mapcode 444 060 348)，

霧就唔大，但都係濛濛查查。

呢個展覽台係睇屈斜路湖嘅，

屈斜路湖係北海道第二大湖，

僅次於喺能取湖附近既サロマ湖。

有機會要去會一會呢個北海道第一大湖。

濛到連中島都幾乎睇唔到，

又係殘念 (╯з╰)

冇野睇就即刻走人，十幾分鐘就駛到去硫磺山

(mapcode 731 683 813)。

雖然都係天陰陰，不過視野都仲幾清。

硫磺山都係熱門旅遊景點，

今日就見到有強國團同香港團。

硫磺山泊車費410円，

記得保留收據，因為係同摩周湖共用。

未行到山腳已經聞到一陣陣硫磺味，

好似臭蛋味。

硫黃山，乜唔係硫磺山咩

硫磺山係活火山，不斷會有煙噴出。

呢幾個係強人企咁近影相，唔怕熱咩！

好黃喎，係咪硫磺粉呢

忽然間有陣煙係喺地下噴出嚟

周圍變咗灰濛濛

石隙間有溫泉水滲出

呢團係香港團，講廣東話嘅。

睇完就行返出去

有兩塊硫黃山到此一遊牌，之前影果塊喺左邊，

臨走影埋右邊呢塊。

最後再影多張就收工走人。

有間商店，入去睇睇先

裡面有座火車頭模型

連神社都有間

買左兩隻溫泉蛋食(每隻100円)，

坐低見到枱面有幅圖教人碌雞蛋殼。

首先用膠紙包住隻雞蛋，

然後打圈扑隻雞蛋，最後撕開膠紙，

隻雞蛋就好完整咁脫離個蛋殼。

呢個實驗係成功既

食埋隻蛋又要起程去下一站――砂湯

~ ~ ~ Index ~ ~ ~

上一篇 : Day 6.1 知床峠

下一篇 : Day 6.3 屈斜路湖砂湯、コタン温泉